प्युठान ।
प्यूठानमा एक जना जनप्रतिनिधिले पत्रकारमाथि धरिलो हतियार प्रहार गरी भौतिक आक्रमण गरेका छन । स्वार्गद्वारी नगरपालिकाका वडा नम्बर ७ का अध्यक्ष टेकबहादुर भट्टराईले पत्रकार केन्द्र पिबीमाथि भौतिक आक्रमण गरेका हुन् ।
घाइते पत्रकार पिबीका अनुसार सोमबार दिउँसो ३ बजेतिर वडाध्यक्षले नगरपालिकाको प्रमुख प्रशासकीय अधिकृको कार्यकक्षमा नै धारीलो हतियार प्रयोग गरेर हानेका हुन ।
कार्यालयमा रहेका नेत्रबहादुर घर्तीलाई हतियार प्रहार गर्दा छेक्न गएका पत्रकारलाई भट्टराईले पछाडीबाट धारिलो हतियार खुकुरीले हानेका हुन् ।
स्वर्गद्वारी माडी मिडिया ग्रुप प्रालिको अध्यक्ष तथा माडी खबर साप्ताहिक पत्रिकाका सम्पादक पिविको अहिले स्थानिय अस्पतालमा उपचार भैरहेको छ ।
पिबीमाथिको आक्रमणको चौतर्फी विरोध भइरहेको छ । क्रान्तिकारी पत्रकार संगठन नेपालका केन्द्रीय सदस्य समेत रहेका पत्रकार पिबी खतरामुक्त रहेको स्रोतले जनाएको छ ।
कमल बुढा 
प्रतिक्रिया