काठमाडौँ । रामचन्द्र पौडेल र डोलप्रसाद अर्यालबीच मंगलबार भेटवार्ता भएको छ।
राष्ट्रपति कार्यालय शीतल निवासमा भएको भेटमा पछिल्ला समसामयिक राजनीतिक घटनाक्रम, संसद्को गतिविधि तथा सरकारको नीति तथा कार्यक्रमसँग सम्बन्धित विषयमा छलफल भएको राष्ट्रपतिको सचिवालयले जनाएको छ।
संसद्मा सरकारको नीति तथा कार्यक्रममाथि छलफल चलिरहेका बेला भएको यो भेटलाई राजनीतिक वृत्तमा अर्थपूर्ण रूपमा हेरिएको छ। पछिल्ला दिनहरूमा संसद्मा देखिएको राजनीतिक तानातान, प्रतिपक्षको विरोध तथा संसदीय मर्यादासम्बन्धी बहसका बीच राष्ट्रपति र सभामुखबीच भएको संवादलाई चासोका साथ हेरिएको छ।
यद्यपि, भेटवार्तामा के–कस्ता विशेष विषय उठाइयो भन्नेबारे विस्तृत जानकारी सार्वजनिक गरिएको छैन। राष्ट्रपतिको सचिवालयले भने भेटमा समसामयिक विषयमा सामान्य छलफल भएको जनाएको छ।
संविधानअनुसार राष्ट्रपति र सभामुखबीच समय–समयमा संसदीय गतिविधि, विधायिकी प्रक्रिया तथा राष्ट्रिय महत्वका विषयमा परामर्श र भेटघाट हुने अभ्यास रहँदै आएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया