• News Portal

    • आज :

    ताजा शिर्षकहरु

    चर्चित शिर्षकहरु

    Highlights विशेष

    चिनियादेवीले रुँदै भनिन्– डा. त्रिलोक्यानन्दल २५ वर्षदेखि यौन शोषण गरे, नाता खोज्दा आक्रमण उत्रिए

    11.2K
    SHARES

    काठमाडौं। 

    त्रिलोक्यानन्द वैद्य चिनियादेवी ताम्राकारलाई श्रीमतीको नाता प्रमाणित गर्नुपर्ने डरले भागेका छन् । उल्टै गुण्डा लगाएर ज्यान मार्ने धम्की दिएका छन् ।

    वैद्य हाल काठमाडौं महानगरपालिका वडा नम्बर २ लाजिम्पाटका बासिन्दा हुन् । उनका दुई श्रीमती छन् । जेठी श्रीमती कोकिला वैद्य (ताम्राकार) हुन् भने कान्छी श्रीमती चिनियादेवी ताम्राकार (वैद्य) हुन् ।

    त्रिलोक्यानन्दले विगत लामो समयदेखि साली (चिनियादेवी) लाई श्रीमती स्वीकारेर टोखामा रहेको ४ अना २ पैसामा बनेको घरमा लगेर राखेका थिए । अहिलेसम्म चिनियादेवी त्यही घरमा बसिरहेका छन् । चिनियादेवीले त्रिलोक्यानन्दलाई विवाह दर्ता गर्न जान पटकपटक भन्दा अहिलेसम्म भाग्दै र लुक्दै हिंड्दै गरेको भन्दै नाता प्रमाणित गराई पाउन चिनियादेवीले शुक्रबार अनामनगरस्ति संवाद डबलीमा एक पत्रकार सम्मेलन आयोजना गरेर याचना गरेकी छन् । उनले त्रिलोक्यानन्दकै कारण आफू यौन हिंसाको शिकार भएको बताइन् ।

    २०५५ सालदेखि उनी त्रिलोक्यानन्दसँग श्रीमान–श्रीमती सम्बन्ध कायम गरेर बसेका चिनियादेवीले विगत सात वर्षदेखि विवाह दर्ता गर्न नमानेकै कारण पारिवारिक कलह शुरु भएको र अहिले त्रिलोक्यानन्द लुकिछिपी हिंडेको पीडित चिनियादेवीले पत्रकार सम्मेलनमा जानकारी दिइन् ।
    शुक्रबार संवाद डबलीमा पत्रकार सम्मेलनमा वितरित चिनियादेवीद्वारा हस्ताक्षरित विज्ञप्तिमा त्रिलोक्यानन्द वैद्यसँग विवाह दर्ता गराएर आफूलाई श्रीमतीको नाता कायम गराउन सहयोग गर्न समेत पत्रकार सम्मेलनमा अनुरोध गरिन् ।

    कोकिला र चिनियादेवी सहोदर दिदी–बहिनी हुन् । कोकिला स्व. गिरिजा कोइराला अन्तिमपटक प्रधानमन्त्री हुँदा स्वास्थ्य मन्त्रालयका प्रवक्ता रहँदा भ्रष्टाचारमा अख्तिरयारद्वारा डामेकी पात्र हुन् । चिनियादेवी त्यहीबेला धेरै समयमा विदेश बसे । इन्डोनेसियामा मात्र ९ बसिन् ।
    त्यही बेला त्रिलोक्यानन्दले साथीहरुलाई समेत बोलाएर आफूमाथि यौन हिंसा गर्न लगाएको चिनियादेवीको भनाई छ । उनले आफूलाई कान्छी श्रीमती स्वाकारेरै त्रिलोक्यानन्दले टोखाको घरमा लगेर राखेको र पछि विवाह दर्ताको प्रक्रियामा जान नमानेर जेठी कोकिलासँग मिलेर घरबाट निकाल्ने कोशिसमा लागेको बताइन् ।

    अहिले त्रिलोक्यानन्दले आफू बसिरहेको टोखाको उक्त व्यक्तिलाई बिक्री गरिसकेको बताएर ७०÷८० जना समूहले घरमा आएर घर छाडेर जान भन्दै झ्याल, ढोका तोडफोड गर्नुका साथै ज्यान मार्ने धम्की दिइरहेको पत्रकार सम्मेलनमा जानकारी दिइन् । शान्ति सुरक्षाको लागि प्रहरी प्रशासनमा निवेदन दिए पनि बेवास्ता गरिएको बताइन् । आफूमाथि परेको हिंसा र ज्यादातिबाट न्याय पाउन राष्ट्रपति विद्यादेवी भण्डारीसमक्ष पनि निवेदन दिइसकेकी छन् ।

    चिनियादेवीले आफू बस्दै आएको घर कसैगरी नछाड्ने बताइन् । साथै घरभित्र समेत असुरक्षा भएको भन्दै सरकारसँग सुरक्षा माग गरिन् । सरकरको प्रहरी प्रशासनले आफ्नो परिवारको सुरक्षाबारे बेवास्ता गरेका गुनासो गर्दै ‘म गृहमन्त्री रामबहादुर थापा ‘बादल’सँग मरो परिवारको सुरक्षा गराई पाउँ भनी यही पत्रकार सम्मेलनमार्फत अनुरोध गर्छु’ पीडित चिनियादेवीले भनिन् ।

    प्रेस विज्ञिप्त

    आदरणीय पत्रकार बन्धुहरु
    म चिनियादेवी ताम्राकार (वर्ष ७५) काठमाडौं जिल्ला का.म.न.पा वडा नं. २ लाजिम्पाट निवासी हुँ । विगत ४० वर्षदेखि सोही ठाउँ निवासी भिनाजु डा. त्रिलोकान्ध बैद्य र दिदी डा. कोकिला बैद्यसँग बस्दै आएको छु । मेरो श्रीमानले अर्को विवाह गरेर कुटपिट र घरेलु हिंसा निरन्तर जारी राखेपछि घरमा बस्न नसकेपछि र मेरो आर्थिक अवस्था कमजोर भएकोले दिदी–भिनाजुले आफैले बोलाइ मलाई पहिला प्रलोभन दिनुभयो ।
    दिदी कामको सिलसिलामा विदेशी र इन्डोनेसिया ९ वर्ष बसिन् । त्यसबेला दिदीका ३ बच्चा सम्हाल्ने र घरको सम्पूर्ण जिम्मेवारी मैले नै पूरा गर्दै आएँ । मेरा भिनाजु त्रिलोक्यानन्द वैद्यको नियत पहिलादेखि नै खराब र धेरै महिलाहरुसँगको अबैध सम्बन्ध र विशेष बाहिरी महिलाहरुसँगको सम्बन्धको कारण मेरो दिदी पनि आजित भैसकेको थिइन । दिदी बाहिर बस्ने र भिनाजुले ललाईफकाई म सँग शारीरिक सम्बन्ध राखे । 

    उनले मलाई कान्छी श्रीमतीको रूपमा स्वीकार गरिआउनु भएको थियोे । दिदीले स्वयं भेनाजुलाई ‘मसाज गरिदिनु, तेल लगाइदिनु, हेरचाह गर्नु’ भनी मलाई अह्राउने गर्थिन् । जब भिनाजुले उहाँ र मेरो श्रीमान्–श्रीमतीको रुपमा विकास भइसकेको लामो सम्बन्ध कायम भइसकेपछि पनि ७ वर्षअगाडि भिनाजुले आफ्नै साथीहरुलाई बोलाएर उनीहरुलाई मसँग सम्बन्ध राख्न लगाए । त्यस्तो कार्यको मैले प्रतिकार गरेँ । भिनाजुले ममाथि गरेको अन्याय र मलाई २५ वर्षदेखि यौन हिंसा, श्रम, शोषण, महिला हिंसाविरुद्ध आवज उठाए र म त्यो घर छोडी टोखामा बस्न थालेँ ।

    त्यसपछि भिनाजुले आफ्नो नाममा रहेको टोखाको जग्गामा बनेको घर तिमीलाई नै भयो भनी दिनुभयो । तर कानूनी रुपमा भने कहिल्यै मेरो नाममा दिनुभएन । र, हामी दुईबीचको सम्बन्धबारे दिदीलाई केही नभन्न फकाउने काम गरे । जब दिदीलाई आफ्नो श्रीमानले गरेको कर्कुत बाहिर आयो तब घर बेचेको बैना लिएर किर्ते कागज गराइ मलाई झुटो मुद्दामा फसाएर जगन्नाथ कारागारमा २ वर्ष जेल हाले । त्यही बेला पारेर भिनाजुले त्यो घर बेचे । 

    म जेलबाट फर्केको जेष्ठ २ गते म जेलबाट मुक्त भएँ । मलाई भाडामा बसेको मान्छे भनेर हट्न र नहटे ज्यान मार्ने धम्की दिन थाले । अहिले पनि मलाई मार्ने धम्की दिदै बसेको घरमा तोडफोड गर्न लगाउनुका सरसामानहरु फुटाइदिएका छन् । पैसाको रवाफमा मलाई २५ वर्षदेखि मेरो इज्जतसँगै श्रम लुटी आफ्नो स्वार्थ पूरा गरेपछि अरु केटा लगाई मेरो अस्मितालाई मेटाउनको कोशिस गरे । ममाथि भएको यस्तो हिंसाकै बेला झुटो मुद्दालगाएर दुई वर्ष जेल हाले ।

    केही विकल्प नभएकै कारण अहिले म लगायत मेरो छोरा र बुहारी त्यही घरमा डर, त्रास र आतंकबीच बस्दै आइरहेका छौं । भिनाजुले हामी सबैलाई मार्ने धम्की निरन्तर दिइरहेका छन् । बसिरको घरमा गुण्डाहरु पठाई झ्याल फुटाइ, सामान, भाँडाकुँडा तोडफोड गर्ने गर्दै आइरहेका छन् ।
    अहिले पनि ८० जनासम्मनको बाहिरिया जमात आएर तोडफोड गर्ने, भान्सा कोठा बन्द गरिदिने र ज्यान मार्ने धम्की दिने हर्कत जारी राखेको हँुदा म लगायत मेरो छोरा–बुहारीको ज्यान खतरामा परेको छ । शान्ति सुरक्षाको माग गर्दा समेत सरकारको प्रहरी–प्रसासनले बेवास्ता गरेको छ । त्यसकारण ममाथि २५ वर्षदेखि भएको दुव्र्यवहार र खोसिएको अधिकार प्राप्ति र रक्षा गर्न र मेरो ज्यान सुरक्षाको लागि पत्रकार, मानवअधिकारवादी र सम्बन्धित सबै पक्षसँग यो निवेदन गरेकी छु ।
    २०७५ जेठ १८

    पीडित
    …………………….
    चिनियादेवी ताम्राकार
    का.म.न.पा वडा नं. २ लाजिम्पाट

    प्रतिक्रिया

    आजको ट्रेन्डिङ