News Portal

  • नेकपामाथि प्रतिबन्ध लगाएर सरकारले फासिस्ट चरित्र देखायो- बैद्य

    संचारकेन्द्र संवाददाता
    ५३५ पटक

    काठमाडौं । सरकारले विप्लव नेतृत्वको नेपाल कम्युनिष्ट पार्टीमाथि प्रतिबन्ध लगाएपछि नेकपा क्रान्तिकारी (माओवादी)का महासचिव मोहन वैद्य ‘किरण’ले आपत्ति जनाएका छन् ।

    बुधबार बिहान संचारकेन्द्रसंग कुरा गर्दै बैद्यले सरकारले नेकपामाथि प्रतिबन्ध लगाएर गलत बाटो अपनाएको बताएका छन् । पार्टीको धारणा औपचारिकरुपमा बुधबार दिउसो बिज्ञप्ति मार्फत सार्बजनिक गर्नेजानकारी दिँदै बैद्यले भने- ‘एउटा कम्युनिष्ट सरकारले अर्को कम्युनिष्ट पार्टीमाथि त्यसरी प्रतिबन्ध लगाउनु बिडम्बना हो ।’

    राजनीतिक समस्यालाई राजनीतिक हिसाबले हल गर्नुको साटो सरकारले फासिस्ट चरित्र नै देखाएको बैद्यले बताएका छन् । ‘यस्ता घटना त पहिला-पहिला राणा शासन र पञ्चायतकालमा हुने गरेका थिए । उही इतिहास दोहोरीयो । त्यस कारण यो कदम एकदम गलत भयो ‘ उनले भने ।

    कुराकानिका क्रममा बैद्यले भने- ‘रूपान्तरणका निम्ति परिवर्तनका निम्ति बिगतमा बिभिन्न आन्दोलन भए दश बर्षको जनयुद्ध भयो । जनयुद्धमा नेतृत्व गरेको शक्ति अहिले सरकारमा छ । त्यही शक्तिले फेरी आफ्नै मित्रहरु प्रति त्यस्तो व्यबहार देखाउनु राजनीतिक चरित्र भएन । यो त फासिस्ट चरित्र भयो।’

    नेकपाका नेता कार्यकर्तामाथि ब्यापकरुपमा धरपकड़ गर्ने, यातना दिने, पार्टीमाथि प्रतिबन्ध लगाउनेलगायतका सबै चीज गलत भएको भन्दै उनले यो प्रतिबन्ध फिर्ता लिएर राजनीतिक समस्याको हल राजनीतिक तरिकाले नै गर्नुपर्ने बताएका छन् ।

    यस्तै उनले विप्लवसंग पार्टी एकताको छलफल चलिरहेको भन्दै उनले एक एक चरण कुराकानी भएको र पुनः छलफल गर्ने बाताबरण नबनेका कारण रोकिएको बताए । एकता गर्नुपर्छ भनेर आफुहरूले जोड़ गरेको बताउदै उनले क्रन्तिकारी शक्तिहरु मिल्नुको बिकल्प नभएको बताए । यस्तै नेकपासंग अहिले कार्यगत एकता भइरहेको बैद्यले बताए।

    मंगलबार बसेको मन्त्रिपरिषद् बैठकले नेकपालाई आपराधिक संगठन भएको भन्दै पार्टीका गतिबिधिमाथि प्रतिवन्ध लगाउने निर्णय गरेसँगै उक्त निर्णयको चौतर्फी बिरोध भएको छ । सरकारको निर्णयप्रति सत्तारूढ़ नेकपाकई नेता कार्यकर्ताहरुले समेत ब्यापक आलोचना गरेका छन् ।

    नेकपामाथि राजनीतिक व्यवहार नगरेर सरकारले फासीवादी चरित्र देखाएको भन्दै देश बिदेशमा भएका नेपालीहरुले सामाजिक संजालमा समेत ब्यापक आलोचना गरेका छन्।

    २०७५ फागुन २९ गते प्रकाशित
    प्रतिकृया दिनुहोस्

    प्रधानमन्त्रीलाई हटाउन आफ्नै मन्त्रीहरुले गरे यस्तो षड्यन्त्र, अब के होला ?

    काठमाडौँ । आफ्नै सरकारका मन्त्रीहरुबाट प्रधानमन्त्रीलाई अपदस्थ गर्ने तयारी शुरु भएको छ । असन्तुष्ट मन्त्रीहरुले...

    अठहत्तर लाख घूस लिने पाठकविरुद्ध अख्तियारद्वारा विशेष अदालतमा मुद्दा दर्ता

    काठमाडाैँ । अख्तियार दुरुपयोग अनुसन्धान आयोगले राजीनामा दिएका आयुक्त राजनारायण पाठकविरुद्ध भ्रष्टाचार मुद्दा दायर गरेको...

    breaking अछाममा नेकपा कार्यकर्ता सामत्न प्रहरीले ७ राउण्ड गोली चलायो, ४ जना गिरफ्तार

    मंगलसेन । नेपाल कम्युनिष्ट पार्टीका कार्यकर्ता समात्न प्रहरीले अछाममा गोली चलाएको छ । जिल्लाको रामरोसन...

    १६ गतेको नेपाल बन्द फिर्ता लिन विप्लवलाई नेपाल बार एसोसिएसनको आग्रह

    काठमाडौं । नेपाल बार एसोसिएसनले चैत्र १६ गतेका लागि आव्हान गरिएको नेपाल बन्द फिर्ता लिन...

    फ्रान्सबाट तीन सय एअर बस किन्ने चीनको तयारी

    काठमाडौं । चीनले फ्रान्ससँग तीन सय वटा एअर बस किन्ने भएको छ । चीन र...