• News Portal

    • आज :

    ताजा शिर्षकहरु

    चर्चित शिर्षकहरु

    Highlights समाचार

    वाईसीएल अध्यक्ष दिपसीखाले ओलीलाई ‘लम्पसारवादी’ भनेपछि मच्चियो खैलाबैला

    23.7K
    SHARES

    काठमाडौं ।माओवादी केन्द्रनिकट वाईसीएलका अध्यक्ष रामप्रसाद सापकोटा ‘दिपसीखा’ ले प्रधानमन्त्री रहेका एमाले अध्यक्ष केपी ओलीलाई ‘लम्पसारवादी’को संज्ञा दिएका छन् ।

    भारतीय प्रधानमन्त्री नरेन्द्र मोदीको नेपाल भ्रमणको बिषयलाई लिएर बिहीबार सामाजिक सञ्जाल फेसबुकमा स्टाटस लेख्दै उनले घुमाउरो शैलीमा ओलीलाई ‘लम्पसारवादी’ भनेका हुन् ।

    यसअघि प्रचण्ड प्रधानमन्त्री भएको बेलामा माओवादीलाई लम्पसारवादी भन्दै ओलीले उडाएका थिए । सोहि प्रसंगलाई जोडेर अध्यक्ष दिपसीखाले व्यंग्यात्मक रुपमा लेखेका छन् – ‘अब ‘राष्ट्रवाद’ र ‘लम्पसारवाद’ को ? कसरी ? र किन ? भनेर भनिरहन पर्ने भयो र ?’

    भूकम्पको मारमा परेका नेपालीमाथि नाकाबन्दी गरेका मोदीलाई नागरिक अभिनन्दन नगर्न नागरिक अगुवा र जनताले आग्रह गर्दा पनि ओलीले मोदीलाई जुनसुकै हालतमा नागरिक अभिनन्दन गर्ने बहानामा आमसभाको तयारी गरेका छन् ।

    उनले मोदीको स्वागत अनिवार्य सडकमा उत्रिन जनताहरुलाई उर्दी जारी गरेका छन् । जुन कुरा नेपाली जनताले रुचाएका छैनन् र मोदी र ओलीको विरोध गरिरहेका छन् ।

    नाङ्गो रुपमा ओलीको चाकडीमा लागिपरेका ओलीलाई अध्यक्षले दिपसीखाले लम्पसारवादी भनेपछि उअनको स्टाटसमा कमेन्टको ओइरो लागेको छ । केहि माओवादी युवाहरुले अब विप्लव नेतृत्वको नेकपासँग एकता गरेर जानुपर्ने धारणा पनि त्यहाँ राखेका छन् । भने लम्पसारवादीहरुसँग पार्टी एकता गर्न नहुने भन्दै माओवादीले एमालेसँगको एकता तोड्नुपर्नेमा पनि केहीको जोड छ ।

    अध्यक्ष दिपसीखाले हतियारधारी भारतीय कमान्डो नेपालमा मार्चपास गरिरहेको अवस्थामा समेत ओली सार्वभौमसत्ता, राष्ट्रवाद के हेरेर बसेको छ ? भन्दै प्रश्न गरेका छन् । उनले लेखेका छन – ‘प्रम ज्यु, बर्दी र हतियारधारी भारतीय कमाण्डो जनकपुरमा मार्च गरिरँहदा नेपालको सार्वभौमसत्ता र राष्ट्रवाद के हेरिबसेको छ हँ ?’ उनको स्टाटसले एमालेबृत तरंगित बनेको छ ।

    सबैभन्दा समवेदनशील बिषय भनेको मोदीको नेपाल भ्रमणको पूर्वसन्ध्यामा जसरी भारतीय सुरक्षा कमाण्डोहरु काठमाडौं र मधेसमा प्रवेश गरेका छन् । यसले नेपालको सुरक्षा व्यवस्था निरीह र कमजोर छ भन्ने देखाएको छ ।

    एउटा विदेशी पाहुनालाई सुरक्षा दिनका लागि नेपाली सेना, सशस्त्र प्रहरी र जनपथ प्रहरी आफैं सक्षम हुँदाहुँदै पनि भारतबाट सुरक्षा टोलीहरु तडक–भडकपूर्ण ढंगले काठमाडौं र मधेसमा उत्रिनु सार्वभौम देशका लागि गौरवको विषय होइन । जबकि नेपालका प्रधानमन्त्री दिल्ली जाँदा सरक्षा गार्डबाहेक कोही लगिएको हुँदैन ।

    कुनै विदेशी पाहुना नेपाल आउँदा उनको सुरक्षा गर्नु हाम्रो देशको दायित्व हो । नेपालका सुरक्षाकर्मीहरु विश्वको शान्ति फैलाउने उदेश्यसहित शान्ति सेनामा खटिएका छन् । स्वयं भारतमा पनि गोर्खा सैनिकले सुरक्षा दिएका छन् । यो अवस्थामा ओली सरकारले नेपालका सुरक्षा अंगको मोराल बढाउनुको सट्टा झन् गिराएका छन् ।

    मोदीलाई गरिने भनिएको नागरिक अभिनन्दनको पनि चौतर्फी ब्यापक बिरोध भएको छ ।   मधेस आन्दोलनका बेला भारतले गरेको ६ महिना लामो नाकाबन्दी सम्झिँदै समाजिक सञ्जालमा यतिबेला ‘नाकाबन्दी अपराध हो मिस्टर मोदी’ ट्रेन्डिङ भइरहेको हो ।

    ‘देशलाई नै उथलपुथल पार्ने भूकम्प भुलिन्छ । तर हाम्रो स्वाभिमानमा धक्का पु¥याउने तिम्रो नाकाबन्दी भुल्न सकिन्न,’ एक ट्विटेले ट्विट गरेका छन् । नाकाबन्दीका बेला भाइरल बनेका तस्बिरहरु सामाजिक सञ्जालमा पोष्ट गर्दै प्रधानमन्त्री मोदीको नेपाल भ्रमणलाई विरोध जनाइरहेका छन् ।

    सबैभन्दा बढी मोदीलाई गरिने नागरिक अभिनन्दनको विरोध भइरहेको छ । ‘महामहिम नरेन्द्र मोदीलाई नेपाली, मैथिली, हिन्दी र अंग्रेजीमा अभिनन्दन गर्ने रे, यी चारवटै भाषामा नाकाबन्दी अपराध थियो । #BlockadeWasCrimeMrModi सुनाइदिनुहोला । नबुझे नेपालीले अरु भाषामा बताउँछन् । नेपाल र नेपालीप्रति सद्भाव राख्ने भारतीयमा नमन,’ विकास थपलियाले ट्विट गरेका छन् ।

    मोदी भ्रमणको पूर्वसन्ध्यामा गरिएका पिच सडकलाई लिएर पनि सामाजिक सञ्जालमा केपी शर्मा ओलीको विरोध गरेका छन् । ‘नेपाली जनताले धुँवा धुलो खान हुने, मोदीलाई देखाउन लाज लाग्ने’ भन्दै सामाजिक सञ्जालमा विरोध भइरहेका छन् ।

    भारतीय राजदूतावासमा भूकम्प

    भारतीय नाकाबन्दीपीडित नेपालीले  ‘ह्यासट्याग ब्लकेड वाज क्राइम मिस्टर मोदी’ ट्रेन्डिङ ट्विटरमा १ नम्बरमा परेपछि भारतीय दूतावास हल्लिएको छ । नेपालका लागि भारतीय राजदूत मञ्जितसिंह पुरी अहिले आफै त्यो ट्रेण्डिङ गर्ने अभियानकर्ताको खोजीमा जुटेका छन् । मोदी नेपाल आउँ केहि घण्टा मात्रै बाँकी रहेका बेला उनको बिरुद्धमा सिङ्गो समाजिक सञ्जाल खनिएपछि पुरी तनावमा परेका छन् ।

    प्रतिक्रिया

    आजको ट्रेन्डिङ