बागुलङ ।
बागलुङमा प्रहरीले एकजना वडाध्यक्षलाई बुर्तिबाङबाट अर्काकी पत्नसँग कोठाभित्रैबाट पक्राउ गरेको छ ।
प्रहरीले वडाध्यक्षलाई केही समय नियन्त्रणमा राखेर मिलोमतो गराएर छाडिदिएको छ । वडाध्यक्ष कृष्ण गुरुङलाई भदौ १७ गते आइतबार बुर्तिबाङबाट पक्राउ गरिएको प्रहरीले जनाएको छ ।
कविता केसी (नाम परिवर्तन)को घरको कोठाबाट वडाध्यक्ष गुरुङलाई प्रहरी र ती महिलाका पतिले पक्राउ गरेका थिए ।
कविता केसीका पतिले पत्नी र वडाध्यक्ष गुरुङलाई कोठाभित्र सँगै फेला पारेपछि प्रहरी खबर गरेका थिए । त्यसपछि कविता केसी र गुरुङ कोठाभित्रै रंगेहात पक्राउ गराएका थिए ।
जिल्ला प्रहरी कार्यालय बागलुङका प्रहरी प्रमुख एसपी दीपक रेग्मीले ती महिलाका पतिले वडाध्यक्ष कृष्ण गुरुङ र आफ्नी पत्नीलाई कोठाभित्रै सँगै देखेपछि प्रहरी खबर गरेको जानकारी दिए ।
‘घटनाको प्रकृति र अनुसन्धानबाट तत्काल ती महिला र वडाध्यक्ष कृष्ण गुरुङबीच अनैतिक क्रियाकलाप गरेको देखिएन । छाडिदियौँ । अरु बेला के भएको थियो हामीलाई थाहा भएन । पुष्टि हुने कुरा पनि भएन’, प्रहरी प्रमुख एसपी रेग्मीले भने, ‘मिलापत्र गरेपछि पति–पत्नीसँगै गएका छन् ।’
कविता केसी र वडाध्यक्ष कृष्णबहादुर गुरुङबीच अनैतिक सम्बन्ध रहेको हल्ला चलेपछि पतिले उनीहरूको गतिविधिलाई मसिनो गरेर हेर्दै आएका थिए । आइतबार कोठाभित्रै पत्नी कविता केसी र वडाध्यक्ष गुरुङलाई फेला पारेपछि प्रहरी बोलाएर पक्राउ गराएका थिए ।
हेर्नुहोस् भिडियो
कमल बुढा 
प्रतिक्रिया