काठमाडौं। रुस-युक्रेन युद्धमा परि थप एक नेपाली नागरीकको ज्यान गएको छ ।
ज्यान गुमाउनेमा रुसी सेनामा भर्ती भएका प्युठान जिल्लाको प्युठान नगरपालिका वडा नं.४ काठेवरका सोनु सुनारको मृत्यु भएको हो ।
२ वर्षदेखि दुबईमा कार्यरत सोनु केही महिनाअघि उतैबाट रुस गएका थिए । सोनुसँगै रहेका र अहिले घाइते अवस्थामा रहेका उनका साथीले मृत्यु भएको जानकारी गराएका हुन् । नगरपालिकाका उपमेयर देवेन्द्र बर्माले सामाजिक सञ्जालमार्फत सोनुको मृत्युबारे पुष्टी गरेका हुन् ।
उपमेयर बर्माले सुनारप्रति श्रदाञ्जली दिँदै सामाजिक सञ्जालमा लेखेका छन्,‘रसियन सेनामा आवद्ध प्युठान नगरपालिका वडा नं. ४ काठेवर निवासी सोनु सुनारको युक्रेन रुस युद्धमा मृत्यु भएको खबरले मर्माहत भएको छुँ, उनको आत्माको चिर शान्तिको कामना गर्दै शोकसन्तप्त परिवारजनप्रति गहिरो समवेदना व्यक्त गर्दछु ।’
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया