बुटवल । नक्कली लाइसेन्स प्रकरणमा बुटवलका दुई कर्मचारीमाथि अनुसन्धान सुरु भाको छ । प्रहरीको केन्द्रीय अनुसन्धान ब्यूरो (सीआईबी)ले नक्कली लाइसेन्स प्रकरणमा दुई जनामाथि पक्राउ गरेर अनुसन्धान सुरु गरेको हो ।
सोमबार यातायात व्यवस्था कार्यालय बुटवलमा शाखा अधिकृत पदमा कार्यरत नारायण पाण्डेलाई सीआईबीले पक्राउ गरेको थियो । पाण्डे माथि मंगलबार म्याद थप गरेर अनुसन्धान सुरु गरिएको प्रहरीले जनाएको छ ।
यसअघि गत शुक्रबार हाल अख्तियार दुरुपयोग अनुसन्धान आयोगमा कार्यरत आइटी इन्जिनियर सुरजप्रकाश अर्याल र यातायात व्यवस्था सवारी कार्यालय बुटवलमा इन्जिनियर पदमा कार्यरत करारका कर्मचारी हरिश भट्ट पक्राउ परेका थिए ।
शुक्रबार र आइतबार पक्राउ परेका २ जनालाई ५ दिन हिरासतमा राखेर अनुसन्धान गर्न अदालतबाट म्याद पाएको र पाण्डेलाई मंगलबार म्याद थप गरिएको प्रहरीले जनाएको छ ।
प्रतिक्रिया