काठमाडौँ। विदेशबाट केही गर्ने सपना बोकेर नेपाल फर्किएका युवाहरूलाई लक्षित गर्दै नबिल बैंकले ‘नबिल दक्ष प्रवासी उद्यमशीम कर्जा’ योजना ल्याएको छ । श्रम मन्त्री शरद सिंह भण्डारीले आज यस योजनाको औपचारिक उद्घाटन गरेका हुन् ।
उद्घाटन कार्यक्रममा बैंकका प्रमुख कार्यकारी अधिकृत ज्ञानेन्द्र ढुङ्गानाले विदेशबाट केही गर्ने सपना बोकेर फर्किएका व्यक्तिहरूका लागि कर्जा मात्र नभएर आवश्यकीय काउन्सिलिङ पनि गर्ने बताएका छन् ।
उनीहरूलाई कर्जा मात्र नभई आवश्यक सल्लाह, सुझावसहित काउन्सिलिङ पनि दिएर उनीहरुले सपना बैंकले साकार पार्ने उनले बताएका हुन् ।
विदेशबाट सीप सिकेर नेपाल फर्किएका व्यक्तिहरूका लागि यो कर्जा उपयुक्त हुने बैंकको भनाइ छ । बैंकले बिहीबारदेखि सुरु गरेको नबिल दक्ष प्रवासी उद्यमशील कर्जा सीमा १० करोडसम्मको छ ।
तीन दिनमै सहजै पाइने सो कर्जाका लागि ऋण लिन चाहानेले आफ्नो योजना बैंकमा प्रस्तुत गर्नुपर्नेछ । बैंकले सो योजनाको सम्भाव्यता हेरेर ऋण प्रवाह गर्नेछ । यो कर्जा कुल १० बर्षे अवधिको हुनेछ ।
यो ऋणमा तपाईंको परियोजनालाई नै बैंकले धितोको रुपमा लिन सक्छ भने आवश्यक परेको खण्डमा थप धितो सुरक्षणसमेत बैंकले लिन सक्ने बताइएको छ । स्थानीय अर्थतन्त्रलाई टेवा पुर्याउन र साना व्यवसायीहरुलाई सहयोग तथा समर्थन गर्न बैंकले यस्तो ऋण योजना ल्याएको हाेृ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया