रौतहट। प्रहरी हिरासतमा रहेका ट्रक चालकलाइ नियन्त्रणमा लिइ मरासन्न हुने गरी कुटपिट भएको घटना सार्वजनिक भएको छ ।
ईप्रका विजयपुरको प्रहरी हिरासतमा रहेका ट्रक चालकलाई प्रहरी हिरासतबाट बाहिर निकाली निघार्त कुटपिट गरिएको हो ।
फतुवा विजयपुर नगरपालिका घुसुकपुर निवासी उमेश कुमार यादवको ट्रकको ठक्करबाट सन्तपुर चोकमा मृत्यु भएपछि पक्राउ परेका ट्रक चालकलाई निर्घात कुटपिट गरिएको हो ।
सो क्षेत्रका प्रतिनिधिसभा सदस्य प्रभु साहले विजयपुरको प्रहरी हिरासतमा रहेका ट्रक चालकलाई हिरासतबाट बाहिर निकाली निर्मम कुटपिटको निन्दा गरेका छन् ।
उनले सो घटनामा संलग्नहरूलाई यथाशीघ्र कानुनको दायरामा ल्याउन स्थानीय प्रशासनसहित नेपाल सरकारसँग जोडदार माग पनि गरेका छन् ।
यस्तै, लागु औषध कारोबारको कसुरमा पाँचथरको फिदिम नगरपालिकाका २ युवालाई प्रहरीले शुक्रबार पक्राउ गरेको छ । फिदिम १० याङनामका २६ वर्षीय संगम थाम्सुहाङ र फिदिम ८ रानीटारका २५ वर्षीय सञ्जय नेम्बाङलाई प्रहरीले पक्राउ गरेको हो ।
थाम्सुहाङलाई उनकै घरबाट र नेम्बाङलाई फिदिम ४ गढी स्थित डेबिट लिम्बूको घरबाट पक्राउ गरिएको प्रहरीले जनाएको छ । थाम्सुहाङ र नेम्बाङ एउटै मुद्धाका फरार प्रतिवादी हुन्। मुद्धा दर्ता भएपछि फरार रहेका उनीहरुलाई १ वर्षपछि पक्राउ परेका हुन् ।
१४ ग्राम ब्राउन सुगरको कारोबारमा संलग्न भएको आरोमा गत वर्षको साउन २ गते इलाका प्रहरी कार्यालय काँकटभिट्टा झापाले उनीहरुविरुद्ध मुद्धा दर्ता गरेको थियो।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया