News Portal

  • सदीक्षा म्यानपावरको यस्तो लुटधन्दा, लाखौं खाएर साउदी पठाइएका ३१ कामदारको बिचल्ली

    संचारकेन्द्र संवाददाता
    ११६६ पटक

    काठमाडौं ।

    काठमाडौंको सामाखुसीमा रहेको सदीक्षा ओभरसिज प्रालिले रोजगारीका लागि कामदार विदेश पठाउने बहानामा लुटधन्दा चलाएको रहस्य खुलेको छ । केहि समयअघि सदीक्षा ओभरसिज प्रालिमार्फत रोजगारीका लागि साउदी अरेबिया पुगेका ३१ जना कामदारहरुको बिचल्ली भएपछि यस्तो रहस्य बाहिरिएको हो ।

    उद्दारका लागि आग्रह गर्दै सोमबार मात्रै बिगत ४ महिनादेखि साउदीमा अलपत्र परेका ३१ जना नेपाली कामदार संचारकेन्द्रको सम्पर्कमा आएका छन् । कम्पनीमा लामो समय काम गर्दा पनि पारिश्रमिक नपाएको दुखेसो पिडित कामदारहरुको छ । बस्नका लागि कम्पनीले कोठा उपलब्ध गराएपनि आफूहरुसँग खाना खानको लागि पैसा नभएको र भोकभोकै दिन काट्नुपर्ने बाध्यता उनीहरुले  सुनाए ।

    संचारकेन्द्रको सम्पर्कमा आएका पिडित रमेश शाहीका अनुसार ऋण निकालेर विदेश पुगेका ३१ युवाहरुले यतिबेला साउदीमा २ छाक खानासमेत खान नपाएर बिभिन्न संघ सस्था गुहार्दै हिड्नुपरेको छ । आफुले पठाएका कामदारहरू काम, तलब र खान समेत नपाई गम्भीर संकटमा पर्दा समेत सदिक्षा ओभरसिजले उद्धारका लागि कुनै चासो नदेखाएको र बेवास्ता गरेको पिडित शाहीले बताए।

    ‘हामी जुन म्यानपावर एजेन्सीबाट आयौ, उसलाई पटक–पटक आग्रह, (बिन्ति) गर्दा पनि समस्या समाधानमा कुनै चांसो नदेखाएपछि मिडिया गुहार्न बाध्य भयौ ।’ उनले संचारकेन्द्रसँग भने-‘आफ्नो न्याय, उद्धार र क्षतिपूर्तिका लागि हामीहरूले नेपालको बैदेशिक रोजगार बिभाग, श्रम तथा रोजगार मन्त्री र साउदीस्थित नेपाली नियोगहरू र यहाँको एनआरएनए साउदीमा समेत पुग्यौ तर पनि हाम्रो समस्या समाधान भएन ।’

    त्यस्तै अर्का पिडित दिनेश परियारले मानव तस्कर (दलाल)को फन्दामा परेर आफूहरुको बिचल्ली भएको दुखेसो पोखे । ‘हामीलाई ९ सय तलब र थप २ सय  गरी ११ सय रियल पाउने भनेर सम्झौता गरायो । यता आएर ५ महिना काम पनि गरियो तर ४/४ महिनाको तलब पनि दिएन, एक महिनाको ८ सय मात्रै दिएर काम गर भन्यो ।’ उनले संचारकेन्द्रसँग भने- ‘त्यसपछि भोकभोकै काम गर्न नसकेपछि हामी अहिले अलपत्र अवस्थामा छौं । एक छाक खानासम्म खान नपाएको अवस्था छ । विदेश आउदा लिएको साहुको ऋण अब कहाँबाट तिर्नु ? घरपरिवारको पनि बिचल्ली हुनेभो ।’

    सदीक्षाले नेपालबाट अज्मिल कम्पनीका लागि भनेर पठाए पनि साउदीमा भने सपलायर कम्पनीमा लगेर छोडेको उनीहरुले बताएका छन् । उद्धार गरेर आफूहरुलाई नेपाल पुर्याइदिन उनीहरुले सदीक्षा म्यानपावरसंग माग गरेका छन् । अलपत्र परेका कामदारहरुले साउदी जानका लागि प्रतिव्यक्ति ९० हजारदेखि १ लाख २० हजारसम्म नगद सदीक्षा म्यानपावरलाई बुझाएका थिए ।

    यता पिडितका आफन्त पनि काठमाडौंमा न्यायका लागि भौतारिरहेका छन् । बैदेशिक रोजगारीका लागि साउदी पुगेको भाई हंशराज आचार्य अलपत्र परेको थाहा पाएपछि उनका दाजु प्रेमराज आचार्य काठमाडौंमा मन्त्रालयदेखि बैदेशिक रोजगार बिभाग र कूटनीतिक नियोगसम्म धाइरहेका छन् ।

    बिगत २ महिनादेखि उनी आफ्नो भाई र अलपत्र परेका अन्य ३० मजदुरहरुको स्वदेश फिर्तीका लागि सदीक्षा म्यानपावरका संचालक दिपक थापासमक्ष हार गुहार मागिरहेका छन् तर संचालक थापा भने बेवास्ता गरेर हिडिरहेका छन् ।

    पिडित हंशका दाजु प्रेमले सदीक्षाबिरुद्ध मुद्दा दायर गरेपछि १ महिनाअघि मात्रै बैदेशिक रोजगार बिभाग पुगेर संचालक थापाले १ महिनाभित्रमा नेपाल आउन चाहने कामदारलाई नेपाल ल्याउने र उतै काम गर्न चाहनेहरुलाई पुनः काममा लगाउन पहल गर्ने बचन दिएका थिए । त्यहिअनुसार नै विभागमा सहमति भएको थियो तर उता भाईहरुले खान समेत खान नपाएर ज्यानै जाने अवस्था आइसक्दा समेत संचालक थापाले सहमतिअनुसार कुनै प्रक्रिया अगाडी नबढाएको उनले बताए ।

    हेर्नुहोस् साउदीमा अलपत्र परेका ३१ कामदारको नाम्लिस्ट

    हामी सदीक्षा म्यानपावरका अन्य ठगीधन्दा र गैरजिम्मेवारीपूर्ण कार्यबारे निरन्तर एक-एक गरी फलोअप गर्नेछौं । भोलिको अंकमा ठगीका केही महत्वपुर्ण डकुमेन्टसहित सविस्तार अन्य कर्तुतहरुबारे प्रकाशि पार्ने छौ ।

     

    २०७५ कात्तिक १२ गते प्रकाशित
    प्रतिकृया दिनुहोस्

    रातको तेस्रो प्रहरमा किन हुन्छन् मृत्युका घटना ? यस्तो छ डरलाग्दो रहस्य

    एजेन्सी । हामीलाई लाग्छ, मृत्यु अवश्यंभावी कुरा हो र मानिसको मृत्यु जुन कुनै समयमा पनि...

    आज हरिबोधिनी एकादशी, तुलसीको विवाह गरिँदै

    काठमाडौं । आज हरिबोधिनी एकादशी । भगवान् विष्णुको प्रतीकका रुपमा तुलसीको विवाह र विशेष पूजा...

    शहरमा मर्निङवाक खतरापूर्ण, वीर अस्पतालका डा. पौडेलले दिए यस्तो सुझाव

    काठमाडौँ । सहरका सडक छेउछाउ मर्निङ वाक गर्दै हुनुहुन्छ रु त्यसो हो भने ख्याल गर्नुहोस्...

    बनमन्त्री शक्ति बस्नेतलाई गृहजिल्ला बासिले हाने यस्तो झापड

    जाजरकोट । छ महिनापछि गृह जिल्ला जाजरकोट पुगेका वन तथा वातावरण मन्त्री शक्तिबहादुर बस्नेतलाई सरम...

    मिराज होटलको कोठा नम्बर ५०२: मारवाडी व्यापारीकाे यस्ताे हर्कत, प्रहरी नै चकित

    काठमाडौं । काठमाडौंको बत्तीसपुतलीको मिराज होटल लर्डस् इनमा जुवा खेलिरहेका १३ जनालाई पक्राउ गरेको छ...