काठमाडौँ । नेकपा एमालेका महासचिव शंकर पोखरेलले इलामका जनताले पपुलिजम र जातिवाद स्वीकार्य छैन भन्ने सन्देश दिएका बताए । इलाममा पपुलिजमका आधारमा विचारधारको जगमा खडा भएका राजनीतिक दलहरूको विकल्प खोज्ने प्रयास असफल भएको बताएका हुन् ।
नेकपा एमाले प्युठान-काठमाडौँ सम्पर्क मञ्चले शनिबार काठमाडौँमा आयोजना गरेको कार्यक्रममा महासचिव पोखरेलले पपुलिजम कि विचार भन्ने परीक्षण गर्नुपर्ने अवस्थामा इलाममा भएको उपनिर्वाचनमा पपुलिजम स्वीकार्य छैन भन्ने सन्देश जनताले दिएको बताएका हुन् ।
उनले कोशी प्रदेशको नामकरणको विरुद्धमा एमालेलाई नियोजित रूपमा कमजोर पार्नका लागि आन्दोलन चलाइएको अवस्थामा जातिवाद स्वीकार्य छैन भन्ने सन्देश पनि उपनिर्वाचनले दिएको बताए ।
एमालेको नेतृत्वमा सरकार बन्दा नेपाल एउटा विश्वको नमूना राष्ट्रका रूपमा पुर्याउन सफल भए पनि षड्यन्त्रपूर्ण विस्थापित गर्दा मुलुक अप्ठेरो अवस्थामा पुगेको पोखरेलको भनाइ छ ।
मुलुकको अप्ठेरो अवस्थामा लामो समय गयो भने सम्हाल्न नसक्ने अवस्थामा पुग्न सक्ने भएकाले एमालेको पहलमा नयाँ सत्ता समीकरण बनाइएको उनले बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया