हुम्ला। हुम्लामा जीप दुर्घटना हुँदा दुई जनाकाे मृत्यु भएको छ ।
मृत्यु हुनेमा अदानचुली गाउँपालिका-५, का अन्दाजी ३५ वर्षीय फागुने लाेहार र १३ वर्षीय प्रवेश ऐडी रहेका छन् ।
उनीहरूको घटनास्थलमै मृत्यु भएको हो । यस्तै उक्त घटनामा परी अहिलेसम्म ६ जना घाइते भएको विवरण आएको जिल्ला प्रहरी कार्यालय हुम्लाका सूचना अधिकारी नरेन्द्र चन्दले जानकारी दिए ।
उनका अनुसार अदानचुलीकाे श्रीनगरबाट वडा नम्बर-५, काे बारीगाउँ जाँदै गरेकाे सु ००१ ज ११८३ नम्बरको बाेलेराे जीप दिउसो ४ बजेतिर दुर्घटनामा परेको हो । जीप सडकभन्दा केही तल खसेकाे छ ।
चन्दका अनुसार घाइतेहरूलाई अस्पताल लैजाने काम भइरहेको र घटनाबारे थप अनुसन्धान भइरहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया