काठमाडौं । सुदूरपश्चिम प्रदेशका मुख्यमन्त्री कमलबहादुर शाहले राजीनामा दिएका छन् ।
शाहले प्रदेश प्रमुख नजिर मियाँलाई राजिनामा बुझाएका हुन् । बदलिएको राजनैतिक परिस्थितिले राजीनामा दिएको उनले बताए ।
यस्तै, कर्णालीमा सत्तारुढ दलहरूबिच सहमति नजुट्दा नयाँ मुख्यमन्त्रीको दाबी प्रक्रिया रोकिएको छ । नेकपा(माओवादी) ले सभामुख र ४ वटा मन्त्रालय पाउनुपर्ने दाबी गरेको छ ।
दिउँसो माओवादी संसदीय दलका नेता राजकुमार शर्मा र एमाले संसदीय दलका नेता यामलाल कँडेलबिच भेट भएको थियो । तर पनि निकास निस्कन सकेन ।
त्यसपछि शर्माले मुख्यमन्त्री निवासमा आफ्नो दलको बैठक राखे । उक्त बैठकमा बृहत् छलफल भई सम्पूर्ण जिम्मेवारी दल नेता शर्मालाई दिने निर्णय भएको माओवादी संसदीय दलका प्रमुख सचेतक रणसिंह परियारले जानकारी दिए ।
माओवादीले अड्को थापेपछि आज गर्ने भनिएको मुख्यमन्त्री लागि दाबी पेस गर्ने कार्यक्रम रोकिने भएको छ । एमाले भने पहिला मुख्यमन्त्री नियुक्ति गर्ने काम सकिएपछि बाँकी भागबन्डाको विषयमा छलफल गर्ने पक्षमा थियो तर, माओवादीले पहिला नै टुङ्गो लगाउनुपर्ने बताइरहेको छ ।
प्रतिक्रिया