काठमाडौँ । कालिकोटको पालाँता गाउँपालिकामा ट्याक्टर दुर्घटना हुँदा ४ जनाको मृत्यु भएको छ।
जिल्ला प्रहरी कार्यालयका प्रहरी नायब उपरीक्षक (डिएसपी) टेकबहादुर रावतका अनुसार आइतबार राति पलाँता गाउँपालिका–२ लार्फमा ट्याक्टर दुर्घटना भएको हो। ट्याक्टरमा चार जना नै सवार थिए। उनीहरू सबैको पहिचान भइसकेको छ।
दुर्घटनामा पलाँता–५ निवासी अम्बा शाही, वडा नम्बर–४ का सदु बुढा, सोही वडाका रवीन्द्र विकको मृत्यु भएको छ। त्यस्तै मुगुको खत्याड गाउँपालिका–५ घर भएका ट्याक्टर चालक चन्द्रप्रकाश रोकायाको पनि दुर्घटनामा मृत्यु भएको डिएसपी रावतले जानकारी दिए।
उनका अनुसार चारै जनाको घटनास्थलमै मृत्यु भएको हो। पलाँता–९ थिर्पुबाट खिनको छलाहा जाँदै गरेको ट्याक्टर राडुनेटा लार्फ भन्ने ठाउँमा दुर्घटना भएको रावतले बताए।
उक्त स्थान कर्णाली नदीभन्दा पारिपट्टि पर्छ। ट्याक्टर मात्रै चल्ने उक्त सडक निकै कच्ची भएको पनि उनले बताए।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया