काठमाडौं। नेकपा माओवादी केन्द्रका दुई जना नेताले कम्बोडिया भ्रमण रद्ध गरेका छन् ।
एसियाली राजनीतिक दलहरूको अन्तर्राष्ट्रिय सम्मेलन (आईक्याप) मा सहभागी हुन जानेहरूको सूचीमा माओवादी केन्द्रका नेता तथा पूर्व सभामुख अग्निप्रसाद सापकोटा र अर्का नेता गोकर्ण प्रकाश भट्ट पनि थिए ।
स्थानीय तहको उपनिर्वाचनमा ब्यस्त हुनुपर्ने भएकाले कम्बोडिया नगएको भट्टले बताए । सापकोटा पार्टीको बागमती प्रदेशको इन्चार्ज समेत हुन् ।
भट्टका अनुसार सम्मेलनमा ‘शान्ति र निरुपणसँग जोडिएको विषय र डिजिटल युगमा भ्रमक समाचारलाई राजनीतिक दलले कसरी सम्बोधन गर्ने भन्ने दुई सेसनमा सम्बोधन गर्न तीन÷तीन मिनेटको समय’ उपलब्ध गराउने निमन्त्रणमा थियो।
सूचीमा रहेका एमालेका रघुबिर महासेठ, राजन भट्टराई, कांग्रेसका सुजाता कोइराला, दिव्यमणी राजभण्डारी लगायतका नेताहरू कम्बोडिया गइसकेका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया