काठमाडौँ । सामुदायिक विद्यालयका शिक्षकहरू काठमाडौं आएर आन्दोलन सुरू गरेका छन्। शिक्षकहरूले विद्यालय शिक्षा ऐन जारी गर्न माग गर्दै बुधबार काठमाडौंमा सडक प्रदर्शन गरेका हुन्।
शिक्षकहरूले हिउँदे अधिवेशनमै विद्यालय शिक्षा ऐन जारी गर्न माग गरेका थिए। तर मंगलबार राति १२ बजेदेखि हिउँदे अधिवेशन अन्त्य भइसकेको छ।
नेपाल शिक्षक महासंघको अगुवाइमा विभिन्न जिल्लाका विद्यालयमा पढाउने शिक्षकहरू आन्दोलनमा आएका हुन्। महासंघले एक लाख जनाभन्दा धेरै शिक्षकको सहभागीतामा आन्दोलन अघि बढाउने तयारी गरेको छ।
विगतमा सरकारसँग गरिएका सहमति समेटेर तत्काल विद्यालय शिक्षा ऐन जारी गर्नुपर्ने शिक्षकहरूको माग छ। यसैबीच शिक्षकहरूको प्रदर्शनका कारण काठमाडौंको नयाँ बानेश्वरदेखि माइतीघर मण्डलासम्म ट्राफिक व्यवस्थापन अस्तव्यस्त बनेको छ ।
विद्यालय शिक्षा ऐन जारी गर्न माग गर्दै शिक्षकहरूले बुधबार काठमाडौंमा र्याली निकालेका छन् । शिक्षक महासंघको अगुवाइमा काठमाडौंका विभिन्न स्थानबाट निस्किकेको र्याली माइतीघर मण्डलामा पुगेर धर्नामा परिणत भएकाे छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया