अछाम । साँफेबगर नगरपालिकाका नगरप्रमुख राजेन्द्रबहादुर कुँवरले टुहुरा बालबालिकालाई दशैँ खर्च उपलब्ध गराएका छन् । नगरपालिकाका १४ वडाका टुहुरा बालबालिकाहरूलाई आफूले पाउने सेवा सुविधाबाट दशैँ खर्च उपलब्ध गराएका हुन् ।
नगर प्रमुख कुँवरले १८ जना बालबालिकालाई ४५ हजार रकम आर्थिक सहयोग गरेका हुन् । एक जनालाई २ हजार ५०० का दरले रकम उपलब्ध गराइएको नगरप्रमुख कुँवरले बताए ।
नगरभित्रका आफ्ना बालबालिकाहरूलाई दशैँ मनाउन सहयोग गरेको नगर प्रमुख कुँवरले बताए । उनले भने, ‘मेरो पालिकाभित्रका टुहुरा बालबालिकाको अभिभावक म हुँ । त्यसैले मेरा बालबालिकाको हेरविचार मैले गर्नुपर्छ ।’
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया