काठमाडौँ । राष्ट्रिय सभाको उपाध्यक्षमा नेकपा एकीकृत समाजवादीले नेकपा एमालेका उम्मेदवारलाई मत दिने भएको छ ।
सत्ता गठबन्धनभित्र राष्ट्रिय सभाको उपाध्यक्ष आफूले पाउनुपर्ने दाबी गर्दै आएको सो पार्टीले उक्त्त पद नपाएपछि एमाले उम्मेदवारलाई नै मत दिने निर्णय गरेको हो ।
नेकपा एकीकृत समाजवादीकी राष्ट्रिय सभा सदस्य जयन्तीदेवी राईले सत्ता गठबन्धनमै रहेकाले कांग्रेस उम्मेदवारलाई मत दिन उचित नहुने बताइन् ।
यस्तै, नेकपा (एमाले) जाजरकोटको अध्यक्षमा नरेन्द्रकुमार शाही निर्वाचित भएका छन् ।
सातौं अधिवेशनअन्तर्गत नेतृत्व चयनका लागि मंगलबार भएको निर्वाचनमा नरेन्द्रले प्रतिस्पर्धी खिमबहादुर शाहीलाई ८ मतले पराजित गरेका हुन् ।
नरेन्द्रले १ सय ९४ मत ल्याए भने निवर्तमान अध्यक्ष खिमबहादुर शाहीले १ सय ८६ मत पाए । उपाध्यक्षमा विष्णुविक्रम शाह १८२ मत ल्याए। निर्वाचित भए भने उनका प्रतिस्पर्धी मोतिलाल वलीले १७५ मत ल्याए ।
सचिवमा गोपालबहादुर नेपाली निर्वाचित भए। गोपालले १८८ मत ल्याउँदा उनका प्रतिस्पर्धी नरबहादुर बस्नेतले १ सय ७१ मत ल्याएका हुन् ।
प्रतिक्रिया