पोखरा । पोखरामा कारको ठक्करबाट २ जना पैदल यात्रीको मृत्यु भएको छ ।
मंगलबार बिहान पोखरा ५ पस्र्याङको सिद्धार्थ बैङ्क अगाडी बा १३ च ३७२१ नम्बरको कारले पैदल यात्रीलाई ठक्कर दिएको हो ।
मृत्यु हुनेमा बागलुङ ढोरपाटन घर भई पोखरा ३ नदीपुर बस्ने २० वर्षका ढालेन्द्र छन्त्याल र पहिचान नखुलेका अर्का ३५ वर्षीय पुरुष रहेका छन् । दुर्घटनामा घाइते दुवैजनाको उपचारका क्रममा अस्पतालमा मृत्यु भएको हो ।
दुर्घटनापछि कार चालक फरार रहेका छन् । कार भने प्रहरीको नियन्त्रणमा रहेको छ ।
प्रतिक्रिया