काठमाडौँ । भिजिट भिसामा संयुक्त अरब इमिरेट्स (यूएई) पुगेकी एक महिलाको आफैँ बस्दै आएको भवनबाट खसेर मृत्यु भएको छ । मृतक महिलाको शव आवश्यक प्रक्रिया पुरा गरेर शुक्रबार नेपाल पठाइएको नेपाल एसोसिएसन–एनआरएनए एनसीसी यूएईका अध्यक्ष विकास शाहीले रातोपाटीलाई जानकारी दिए ।
शाहीका अनुसार अनुसार नेपालको ललितपुर घर भएकी उनी गत नोभेम्बर ११ मा आबुधाबीस्थित बस्दै आएको भवनबाट खसेकी थिइन् । २८ वर्षीय उनको ‘उचाइबाट खसेका कारण मृत्यु’ भएको भन्ने रिपोर्ट अस्पतालले दिएको छ ।
उनको दुःखद मृत्युपछि नेपाल एसोसिएसन–एनआरएनए यूएईको टीमले मानवीय भावनालाई आत्मासाथ गर्दै नेपाली राजदूतावास यूएईको सहकार्यतामा शव शुक्रबार नेपाल पठाइएको शाहीको भनाइ छ । पछिल्लो समय यूएईमा भिजिट भिसामा जाने नेपालीहरुको संख्या बढ्दै गएको यूएईमा कार्यरत सरोकारवालाहरू बताउँछन् ।
कतिपय भिजिट भिसाको सहारामा त्यहाँ काम गर्नका लागि जाने तथा कतिपय चाहिँ यूएईलाई ट्रान्जिट बनाएर तेस्रो मुलुक जाने उद्देश्यले पुग्ने गरेको उनीहरूको भनाइ छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया