• आज :

ताजा अपडेट

ट्रेन्डिङ शिर्षक

  • News Portal

    • आज :

    समाचार

    काठमाडौँका सडकमा आजदेखि शिक्षकहरूको आन्दोलन

    1.8K
    SHARES



    काठमाडौँ । देशभरका शिक्षकहरूले आजदेखि काठमाडौँमा शैक्षिक आन्दोलन सुरु गर्ने भएका छन्। नेपाल शिक्षक महासङ्घले माघ २० गतेदेखि जारी आन्दोलनलाई ‘काठमाडौँ जाऔँ’ अभियान अन्तर्गत अनिश्चितकालीन सडक प्रदर्शनमा रूपान्तरण गर्न लागेको हो।

    मंगलबार आयोजित पत्रकार सम्मेलनमा महासङ्घका अध्यक्ष लक्ष्मीकिशोर सुवेदीले संसदमा छलफलरत विद्यालय शिक्षा विधेयक यथाशीघ्र जारी गर्न माग गर्दै आन्दोलन सुरु गरिएको बताए। आज विभिन्न स्थानबाट जुलुससहित निस्केर माइतीघर मण्डलामा भेला हुने कार्यक्रम छ। दिउँसो ४ बजेसम्म प्रदर्शन गरी त्यसपछि बानेश्वर जाने योजना रहेको छ।

    भोलिदेखि हरेक दिन बिहान ११ बजेदेखि दिउँसो ४ बजेसम्म माइतीघर–बानेश्वर सडकखण्डमा प्रदर्शन गरिने सुवेदीले जानकारी दिए। उनका अनुसार गुणस्तरीय विद्यालय शिक्षा, विद्यार्थी–शिक्षक मैत्री र अग्रगामी विद्यालय शिक्षा ऐन जारी गराउन दबाब दिने उद्देश्यले आन्दोलन गर्न लागिएको हो।

    देशभरका शिक्षकहरू आन्दोलनमा सहभागी हुने बताइएको छ। सरकारले ऐन जारी नगरेसम्म काठमाडौँमै रहिरहने महासङ्घको अडान छ।

      
    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ