काठमाडौँ । विशेष महाधिवेशनको विरोधमा वक्तव्य निकाल्ने नेपाली कांग्रेसका तीन प्रदेश सभापति वर्तमान कार्यसमिति बैठकमा उपस्थित भएका छन् ।
विशेष महाधिवेशनको विपक्षमा वक्तव्य निकालेका कोशी प्रदेशका सभापति उद्धव थापा, बागमती प्रदेशका सभापति इन्द्र बानियाँ र मधेस प्रदेशका सभापति कृष्ण यादव जारी केन्द्रीय समिति बैठकमा उपस्थित भएका हुन् । बागमती प्रदेश सभापति बानियाँ र मधेस प्रदेश सभापति यादव बहालवाला मुख्यमन्त्री पनि हुन् ।
विशेष महाधिवेशनको बेलामा नै गण्डकी प्रदेश सभापति शुक्रराज शर्मा र लुम्बिनी प्रदेश सभापति अमरसिंह पुनले कित्ता क्लियर गरेका थिए ।
कोशी प्रदेशका सभापति थापा शुक्रबार र आइतबार उपसभापति विश्वप्रकाश शर्माको सभापतित्वमा बसेको बैठकमा सहभागी भएर धारणा राखेका थिए ।
बागमती प्रदेश सभापति बानियाँ र मधेस प्रदेश सभापति यादव मंगलबारदेखि सुरु भएको बैठकमा सहभागी छन् । बैठकमा कर्णाली प्रदेश सभापति ललितजंग शाही र सुदूरपश्चिम प्रदेश सभापति वीरबहादुर बलायर भने उपस्थित भएका छैनन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया