काठमाडौं । सभामुख देवराज घिमिरेले संसदमा जारी अवरोधबारे राष्ट्रिय स्वतन्त्र पार्टी (रास्वपा) का कार्यवाहक अध्यक्ष डीपी अर्याल र राप्रपा अध्यक्ष राजेन्द्र लिङ्देनसँग छुट्टाछुट्टै छलफल गरेका छन् ।
सभामुख घिमिरेले आइतबार बिहान संसद भवन नयाँबानेश्वरस्थित कार्यकक्षमा रास्वपा कार्यवाहक अध्यक्ष अर्यालसँग सदनलाई मर्यादित बनाउन आग्रह गरे ।
उनले संवैधानिक सीमाका कारण बजेटमाथिको छलफल छिटोभन्दा छिटो सुरु गर्ने पर्ने बाध्यता रहेको भन्दै अवरोधको स्वरुप बदल्न भनेका थिए । अर्यालले भने आफूहरूको अवरोध जारी रहने बताउँदै संसदलाई मर्यादित बनाउने प्रतिबद्धता व्यक्त गरे ।
गत शुक्रबारको बैठकमा अवरोधका क्रममा संसदीय मर्यादाविपरीतका गतिविधि भएकोबारे आइतबार बिहान भएको बैठकमा प्रमुख सचेतकहरूले सभामुखको ध्यानाकर्षण गराएका थिए ।
यस्तै, सभामुखले राप्रपा अध्यक्ष लिङ्देनलाई टेलिफोन संवादमार्फत संसदको अवरोध हटाउन आग्रह गरेका थिए । सभामुखले संसदमा आफ्ना विषयलाई राखेर सदन सुचारू गर्ने वातावरण बनाउन सहयोग गर्न आग्रह गरेका हुन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया