मकवानपुर । नेपाली कांग्रेस बागमती प्रदेश संसदीय दलको नेतामा इन्द्रबहादुर बानियाँ मुख्यमन्त्री नियुक्त भएका छन् । उनले अजै पद तथा गोपनियताको सपथसमेत ग्रहण गरिसकेका छन् ।
सपथ ग्रहणपछि बानियाँले संसद्ले पारित गरेको सङ्कल्प प्रस्तावलाई ग्रहण गरेर कार्यान्वयनमा लैजाने निर्णय गरेका छन् । उनले गत असार २३ गतेको प्रदेशसभा बैठकले पारित गरेको सङ्कल्प प्रस्तावलाई ग्रहण गरेर कार्यान्वयनमा लैजाने निर्णय गरेका हुन् ।
मुख्य गरेर आर्थिक मितव्ययिता र सुशासन कायम गर्ने, सेवा प्रवाहलाई प्रभावकारी बनाउने र बजेट प्रणालीलाई जनमुखी बनाउने विषयमा पहिलो निर्णय मुख्यमन्त्री बानियाँले निर्णय गरेको प्रमुख सचिव भुपाल बरालले जानकारी दिए ।
उक्त निर्णय अनुसार प्रदेशमा आर्थिक मितव्ययिता र सुशासन कायम गर्ने उद्धेश्य रहेको मुख्यमन्त्री बानियाँले बताए । सरकारले अनावश्यक र फजुल खर्चहरू कटौती गर्ने र सरकारी कोषको दुरुपयोग हुन नदिने निर्णय गरेको उनको भनाई छ ।
सरकारको कामकारबाही पारदर्शी, जवाफदेही र भ्रष्टाचारमुक्त बनाउने तथा नियम–कानुनको पालना गर्दै जनताप्रति उत्तरदायी भएर शासन सञ्चालन गर्ने सरकारको निष्कर्ष रहेको उनको भनाई छ ।
सेवा प्रवाहलाई प्रभावकारी बनाउन छिटो, छरितो र सहज बनाउने, जनताले सरकारी सेवा लिनका लागि झन्झट बेहोर्नु नपर्ने र समयमै काम हुने सुनिश्चित गर्ने, बजेट प्रणालीलाई जनमुखी बनाउने निर्णय उक्त सङ्कल्प प्रस्तावमा रहेको उनले बताए ।
सरकारले बनाउने वार्षिक बजेट ठुलाबडा वा पहुँचवालाका लागि नभई आम जनताको आवश्यकता र चाहनालाई केन्द्रमा राखेर बनाउने, विकासका योजना र कार्यक्रमहरूले सिधै जनताको जीवनस्तरमा सुधार ल्याउने कुरालाई प्राथमिकता दिने उनले बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया