काठमाडौँ । नेपाल समाजवादी पार्टी (नयाँ शक्ति)ले विचार मिल्ने वैकल्पिक, नयाँ र अग्रगामी शक्तिसँग सहकार्य गर्न राजनीतिक संवाद समिति गठन गरेको छ। पार्टी उपाध्यक्ष दुर्गा सोबको नेतृत्वमा गठन भएको समितिमा उपाध्यक्ष मानुषी यमी भट्टराई, महासचिव सोनाम सिङ स्याङ्तान र जीएस गुरुङ सदस्य छन्।
मंगलबार सम्पन्न पदाधिकारी बैठकले आगामी जेठ ३० गते काठमाडौँमा पार्टी स्थापना दिवस भव्य रूपमा मनाउने निर्णय पनि गरेको छ। उक्त अवसरमा वृक्षारोपण, सरसफाइ, श्रमदान, रक्तदान, र स्वास्थ्य शिविर जस्ता रचनात्मक कार्यक्रमहरू देशभर सञ्चालन हुने जनाइएको छ।
बैठकमा अध्यक्ष डा. बाबुराम भट्टराईले भारत प्रवासको क्रममा नेपाली राष्ट्रिय हितका सवालमा गरेका उच्चस्तरीय भेटघाट र राजनीतिक संवादले दुई देशबीचको सम्बन्ध मजबुत बनाएको ठहर गरिएको छ। उनले वैकल्पिक राजनीतिका माध्यमबाट मुलुक अघि बढ्ने विश्वास व्यक्त गर्दै सबै पदाधिकारीलाई जनतामाझ सक्रिय रूपमा पुग्न आग्रह गरेका छन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया