काठमाडौँ । प्रधानमन्त्री केपी शर्मा ओलीले नेपालको निर्यात व्यापारसम्बन्धी आँकडा नक्कली भएको बताएका छन् । बिहीबार राजधानीमा भएको चेम्बर एक्पोलाई सम्बोधन गर्दै उनले नेपालको निर्यातलाई वास्तविक निर्यात मान्न नसकिने बताएका हुन् ।
‘हाम्रो जुन व्यापारको आँकडा देखिएको छ, त्यो पनि सही सत्य होइन, त्यो नक्कली आँकडा हो,’ ओली भन्छन्, ‘हामीसँग जुन, जति उत्पादन छैन, त्यो पनि व्यापार देखिएको छ । अर्थात् हामी ल्याउँछौं, बेच्छौं, त्यो पनि छ ।’
उनले आफैँले उत्पादन गरेका सामान बिक्री गर्न सके मात्रै त्यसलाई वास्तविक व्यापार मान्न सकिने उनको भनाइ छ । नेपालमा बचतकर्ताको संख्या निकै कम मात्रै भएको प्रधानमन्त्री ओली बताउँछन् ।
नखाएर बचाएको पैसालाई बचत बन्न नसकिने भन्दै उनले त्यो जतन गरेर राखेको पैसा मात्रै भएको बताए । हामीले खोजेको अवस्था नखाएर बचाउने नभएको उनको भनाइ छ । उनले चुरोट, बिडी जस्ता हानीकारक वस्तुको खपत घटाएर गरेको बचतलाई मात्रै बचत भन्न सकिने बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया