मुम्बई । बलिउड अभिनेता अक्षय कुमार कोभिड पोजेटिभ भएका छन् । कोभिड भएसँगै उनी अनन्त अम्बानी र राधिका मर्चेन्टको विवाहमा सहभागी भएनन् । अक्षय यस वर्ष मार्चमा जामनगरमा अनन्त-राधिकाको पहिलो प्रि-वेडिङ समारोहमा सहभागी भएका थिए ।
स्रोतका अनुसार हालै फिल्म ‘सरफिरा’ को प्रमोशनका क्रममा अक्षयको स्वास्थ्य बिग्रिएको थियो । फिल्मको प्रमोसनको क्रममा एक क्रु सदस्य कोभिड-१९ ले बिरामी परे, त्यसपछि अक्षय पनि बिरामी परे । उनलाई शुक्रबार बिहान कोभिड पोजेटिभ भेटिएको थियो ।
यसअघि सन् २०२२ मा पनि अक्षय फिल्म ‘राम सेतु’ को सुटिङका क्रममा कोरोना सङ्क्रमित भएका थिए । त्यति बेला अक्षयबाहेक टोलीका अन्य सदस्यहरू पनि कोभिड पोजेटिभ भेटिएका थिए।
अक्षय सन् २०२१ मा पनि कोभिड पोजेटिभ थिए तर उनी छिट्टै निको भए। त्यसबेला अक्षयले पीएम केयर फन्डमा २५ करोड भारतीय रुपैयाँ दान गरेका थिए । उनी त्यसो गर्ने पहिलो सेलिब्रेटी बनेका थिए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया