काठमाडौँ । श्रीमतीको चरित्रहत्या गरेको आरोपमा एक पुरुष पक्राउ परेका छन् । श्रीमतीको चरित्र हत्त्या गएको आरोपमा प्रहरीको साइबर ब्युरोले मकवानपुरको बकैया गाउँपालिका-७ घर भएर काठमाडौँको जडीबुटी बस्ने २४ वर्षीय फुर्साङ रुम्बालाई पक्राउ गरेको हो ।
फुर्साङविरुद्ध विद्युतीय कारोबार ऐन अन्तर्गतको कसुरमा ५ दिनको म्याद लिएर अनुसन्धान भइरहेको साइबर ब्युरोका एसपी दीपकराज अवस्थीले जानकारी दिए ।
वैदेशिक रोजगारीमा हुँदा ह्वाट्स एपमा आदान प्रदान गरेको गोप्य अंग देखिने फोटो र भिडियो फुर्साङले दुरुपयोग गरेर फेक अकाउन्ट बनाएर अपलोड गरेको अनुसन्धानबाट खुलेको छ ।
पीडितकी दिदीले दिएको जाहेरीको आधारमा अनुसन्धान गर्दा फुर्साङले नै चरित्रहत्या गरेको प्रहरीको अनुसन्धान बाट थाहा भएको छ ।
प्रतिक्रिया