काठमाडौं । नेपाल रिलिजको ५ दिनपछि फिल्म ‘अगस्त्य’ विहिबारदेखि मध्यपूर्वका मुलुकमा प्रदर्शनमा आएको छ ।
अन्तर्राष्ट्रिय वितरण कम्पनी सेभेन सिजले यो फिल्मलाई युएई, कतार र बहराइनमा रिलिज गरेको हो ।
मध्यपूर्वका ठूला चेनहरु भक्स स्टार, सिने रोयल, सिनेपोलिस, सिनेको र नोभामा फिल्म प्रदर्शन हुने वितरक रमेश ढकालले जानकारी दिएका छन् ।
‘ती मुलुकमा नियमितरुपमा नेपाली फिल्म प्रदर्शन हुनु सफलता हो’ वितरक ढकालले भने । अन्य अन्तर्राष्ट्रिय बजारमा भने यो फिल्म नेपालसँगै प्रदर्शनमा आएको छ ।
सौरभ चौधरी निर्देशित फिल्ममा सौगात मल्ल, मलिका महत, नाजिर हुसेन, प्रमोद अग्रहरिको शीर्ष भूमिका छ । फिल्मले नेपालबाट भारतमा हुने मानव बेचबिखनको कथा पेश गर्छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया