काठमाडौं । काठमाडौंको माइतीघरमा जारी रहेको निषेधाज्ञा हटाउन माग गर्दै काठमाडौंको माइतीघरमै प्रदर्शन गरिएको छ ।
शुक्रबार डा. गोविन्द केसी समर्थकहरुले विभिन्न नारा लेखिएका प्ले कार्ड देखाउँदै प्रदर्शन गरेका हुन् ।
जिल्ला प्रशासन कार्यालय, काठमाडौंले माइतीघर मण्डलादेखि बानेश्वरसम्मको क्षेत्रलाई गत मंसिर ४ गते निषेधित क्षेत्र घोषणा गरेको थियो ।
युवा संघले र दुर्गा प्रसाईं नेतृत्वको राष्ट्र, राष्ट्रियता, धर्म, संस्कृति र नागरिक बचाउ अभियानले ७ मंसिरमा माइतीघर मण्डलामा शक्ति प्रदर्शन गर्ने छुट्टा छुट्टै घोषणा गरेपछि उनीहरुलाई प्रदर्शन गर्नबाट रोक्न लगाइएको निषेधाज्ञा प्रशासनले अहिलेसम्म लम्ब्याएको छ ।
त्यसैको विरोधमा आज शुक्रबार प्रदर्शन भएको हो । निषेधाज्ञा फिर्ता गर्न माग गर्दै यसअघि पनि प्रदर्शन हुँदै आएको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया