काठमाडौँ । संयुक्त विद्यार्थी संगठनले खुला विश्वविद्यालयका उपकुलपतिलाई प्रवेश निषेध गरेको छ ।
अनेरास्ववियु, अखिल क्रान्तिकारी, समाजवादी विद्यार्थी संगठन लगायतका संयुक्त विद्यार्थी संगठनले उपकुलपति प्राडा शिलु मानन्धर बज्राचार्यलाई विश्वविद्यालयमा प्रवेश निषेध गरेको हो ।
विश्वविद्यालयको प्रागीक मर्यादा विपरीत विश्वविद्यालयमा आर्थिक लेनदेनको आधारमा नियुक्ति, खरिद बिक्री गरेको, परीक्षा जस्तो संवेदनशील र गोप्य काममा उपकुलपतिले आफ्नो परिवारको सदस्य प्रयोग गरी नाजायज कार्य गरेको लगायतका आरोप लगाएका छन् ।
उनीमाथि विश्वविद्यालय आफ्नो पैतृक सम्पत्ति जस्तो गरी धाकधम्की दिने, शिक्षक कर्मचारीलाई आतंक सिर्जना गरी विश्वविद्यालयको शैक्षिक वातावरण बिगारेको समेत विद्यार्थी संगठनहरूको आरोप छ ।
उनीहरूले उपकुलपति बज्राचार्यले तत्काल राजीनामा दिनुपर्ने माग गरेका छन् । प्रवेश निषेध गरिएको अवस्थामा विश्वविद्यालयले प्रदान गर्ने गाडी, सेवासुविधा प्रयोग गर्न निषेध गरिएको उनीहरूको भनाइ रहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया