तनहुँ । तनहुँमा भएको जिप दुर्घटनामा परि चालकसहित ५ जना घाइते भएका छन् ।
मंगलबार बिहान आबुखैरेनी गाउँपालिका वडा नम्बर ४ पावर हावस स्थित पृथ्वी राजमार्ग सडक खण्डमा बा १७ च ७९६० नम्बरको बोलेरो जीप सडकबाट करिब १ सय ५० मिटर तल खसेर दुर्घटना भएको हो ।
आबुखैरेनी तर्फबाट मुग्लीङ तर्फ जाँदै गरेको सो जिपमा सवार घाइतेहरुलाई ईलाका प्रहरी कार्यालय आबुखैरेनी र नेपाली सेना समेतको संयुक्त टोलीले उद्दार गरेर अस्पताल पठाएको जिल्ला प्रहरी कार्यालय तनहुँले जनाएको छ ।
घाइतेमा जिप चालक कैलालीका दयाराम रानासहित यात्रुहरु सुर्खेतका थानेश्वर भट्टराई, निबस खत्री, दार्चुलाका राकेश भट्ट र कैलालीका खगेन्द्रराज पनेरु रहेका छन् । घाइतेमध्ये ४ जनाको स्थानीय अस्पतालमा उपचार भैरहेको छ भने १ जनाको भरतपुरमा उपचार भइरहेको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया