दार्चुला। दार्चुलाको नौगाड गाउँपालिकाका अध्यक्ष दलजित सिंह धामी सवार गाडी दुर्घटना भएको छ ।
नौगाड-२ सुण्डमुण्डबाट होपरिगाडतर्फ गइरहेको प्रदेश नम्बर ३-०२२ च ५१२९ नम्बरको जीप नौगाड-३ बगडकाे जामिरमा आज बिहीवार दिउँसो दुर्घटनामा परेको थियो ।
दुर्घटनामा परि चालक जयभान सिंह ठगुन्ना गम्भीर घाइते भएका र गाउँपालिका अध्यक्ष धामीलाई सामान्य चोट लागेको जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्रबहादुर सिंहले जानकारी गराएका छन् ।
सिंहका अनुसार घाइते दुवै जनालाई उपचारका लागि धनगढी लगिएको छ । दुर्घटनामा परेकाे जीप नौगाड गाउँपालिकाले भाडामा लिएको बुझिएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया