काठमाडौं । गएराति ११ : ४७ बजे जाजरकोटको बारेकोट-१ रामीडाँडा आसपास केन्द्रविन्दु भएर गएको भूकम्पले जाजरकोटमा ९२ जनाको मृत्यु भएको छ । भूकम्प प्रभावित क्षेत्रमा खोज तथा उद्धार कार्य जारी रहेकाले मृतकको संख्या बढ्न सक्ने अनुमान छ ।
यस्तै भूकम्पमा परि घाइते हुनेहरुको संख्या ५५ रहेको जिल्ला प्रसाशन कार्यालय जाजरकोटले जनाएको छ। अस्पतालहरू घाइतेले भरिएका छन् । गम्भीर घाइतेहरुलाई नेपालगञ्ज, सुर्खेततर्फ रिफर गरिएको छ ।
जाजरकोट सदरमुकाम खलंगासहित नलगाड गाउँपालिका, बारेकोट गाउँपालिका तथा रुकुमपश्चिमका आठविसकोट नगरपालिका र सानीभेरी गाउँपालिकामा बढी क्षति पुगेको छ ।
खलंगामा जिल्ला मालपोत कार्यालयलगायत प्राय: घरहरू भत्किएका छन् । जिल्ला प्रशासन कार्यालय रहेको जाजरकोट दरबार पनि चर्किएको छ । मानिसहरु रातिदेखि नै खुला ठाउँमा बसिरहेका छन् ।
प्रतिक्रिया