काठमाडौं । नेपाल एयरलाइन्सले साउदीको दमाममा उडान थाल्ने भएको छ ।
राष्ट्यि ध्वजाबाहक नेपाल एयरलाइन्सले आफ्नो ११ औं अन्तर्राष्ट्रिय गन्तव्यका रुपमा साउदी अरेबियाको दमाममा उडानको मिति तय गरेको हो ।
उक्त गन्तव्यका लागि कम्पनीले आजबाट बुकिङ खुला गरेको नेपाल वायु सेवा निगमका प्रवक्ता रमेश पौडेलले बताए । उनका अनुसार दमाममा भदौ २० अर्थात ६ सेप्टेम्बरबाट नियमित उडान हुने भनिएको छ ।
यस रुटमा साताको दुई दिन बुधबार र शनिबार उडान हुने भएको छ । थप मागअनुसार गन्तव्य विस्तार गरिने पनि पौडेलले बताए । काठमाडौं-दमाम प्रमोसनल फेयर ३५ हजार रुपैयाँ तोकिएको छ ।
दमाम-काठमाडौंका लागि भने ५ सय ९५ साउदी रियाल फेयर तोकिएको छ । साउदी धेरै नेपाली रोजगारीमा जाने गन्तव्य पनि हो । यसले नेपालीहरुको आवतजावतलाई ठूलो राहत पुग्ने पौडेलले बताएका छन् ।
प्रतिक्रिया