• News Portal

    • आज :

    ताजा शिर्षकहरु

    चर्चित शिर्षकहरु

    बलिउड- हलिउडल मनोरञ्जन

    सिद्धार्थको मृत्युलाई मजाक गर्दै जब सलमानले यतिसम्म भने… (भिडियो )

    704
    SHARES

    भनिन्छ नि कहिलेकाँही हाँसो मजाक गरेर बोलेका कुराहरु सत्यतामा बदलिन्छन् । हो यस्तै भयो, सिद्धार्थको मृत्युबारे गरिएको मजाक । कुनै समय उनको मृत्युलाई सुपरस्टार सलमान खानले मजाक गरेका थिए ।

    बिग बोस सिजन–१३ मा मजाक गर्दै भनेका थिए, ‘उनका फ्यानहरुले उनलाई बचाए तर भगवानले बचाइरहेको छैन । सबैले रुँदै भन्नेछन्, असल मान्छे थियो ।’

    यस्तो मजाकको सिलसिला सिद्धार्थको स्वास्थ्यमा आएको खराबीका कारण सुरु भएको थियो । उनलाई बिग बोस–१३ मा टाइफाइड भएको थियो । उनलाई बिग बोसको घरबाट निकालेर अस्पताल पठाइएको थियो ।

    हप्ताको वारमा सलमानले भिडियो कल गर्दै सलमानसँग कुराकानी गरेका थिए । यस्तैमा मजाक गर्दै सलमानले सिद्धार्थको मृत्युको मजाक भएको थियो ।

    उक्त पुरानो भिडियोलाई सामाजिक सञ्जालमा यतिबेला भाइरल बनाइएको छ । विभिन्न प्रकारका प्रतिक्रियासँगै उक्त भिडियो सेयर भइरहेको छ । कतिपयले मृत्युलाई लिएर गरिएको मजाक सही नभएको पनि बताएका छन् ।

    बिहीबार हृदयघातका कारण सिद्धार्थको मृत्यु भयो । उनको मृत्युपछि बलिउड शोकमा डुबेको छ । उनको शुक्रबार मुम्बईको ओशिवारास्थित श्मशान घाटमा ब्रह्मकुमारी रीति रिवाजकासाथ अन्त्येष्टी भयो ।

     

    ‘पर्सनालिटी ए’ भएकालाई हृदयघातको खतरा, कतै तपाईं पनि यस्तो त हुनुहुन्नँ ?

    अभिनेता सिद्धार्थ शुक्लाको मृत्युले सबैलाई चकित पारिदिएको छ । ४० वर्षका फिट सिद्धार्थलाई हृदयघात भएको भन्दा धेरैले विश्वास गर्न सकिरहेका छैनन् । युवाबीच बढ्दो हृदयघातका लागि डाक्टर र स्वास्थ्य विज्ञले जीवनशैलीसँग सम्बन्धी विभिन्न सल्लाह दिइरहेका छन् । दिल्लीको फोर्टिस अस्पतालका डाक्टर तपन घोषले हृदयघात र पर्सनालिटी एबीच एक विशेष सम्बन्ध भएको बताएका छन् ।

    एक भारतीय सञ्चार माध्यमसँगको कुराकानी डाक्टर तपन घोषले भने, ‘सिद्धार्थ पर्सनालिटी ए भएका व्यक्ति थिए अर्थात् सधैं पहिलो हुने चाहना भएका व्यक्ति । यस्ता मानिसहरुमा हृदयघातका कारण हुने मृत्युको खतरा बढी हुन्छ । हिन्दुस्तानमा हरेक दिन मुटुरोगका कारण ४० वर्षभन्दा कम उमेरका ९०० व्यक्तिको मृत्यु हुन्छ ।’

    डाक्टर तपन घोषले भने, ‘टाइप एक पर्सनालिटी हुनु जस्तै कक्षामा पहिलो हुनु । सबैलाई थाहा छ कि सिद्धार्थ बिग बसका विनर हुन् र उनको व्यक्तित्व निकै बलियो थियो । उनी सधैं पहिलो हुन चाहन्थे । यस्ता मानिसहरुलाई टाइप ए पर्सनालिटी भनिन्छ र उनीहरुमा हृदयघातको जोखिम बढी हुन्छ ।’

    डाक्टरका अनुसार हृदयघातले हुने तुरुन्त मृत्युलाई ‘सडन कार्डियक डेथ’ भनिन्छ । यसमा बिरामीको १ घण्टाभित्र नै मृत्यु हुन्छ । यसको सबैभन्दा ठूलो कारण कोरोनरी आर्टरी डिजिज हो । २० प्रतिशत व्यक्तिमा यस्तो हुन्छ । यसका कारण मधुमेह, धुम्रपान र खराब जीवनशैली हो ।

    डाक्टर भन्छन्, ‘टेक्नोक्रेटहरुमा पनि मुटु रोगको धेरै समस्या हुन्छ । धेरै आइटी पर्सनल यस्ता हुन्छन् जो अन्य देशको घडीलाई अनुसरण गर्छन् । उनीहरु सुत्ने समयमा काम गरिरहेका हुन्छन् । यसका कारण उनीहरुले पर्याप्त निद्रा पाइरहेका हुँदैनन् । घाममा पनि कमै निस्कन्छन् । यसकारण शरीरमा भिटामिन डीको कमी असाध्यै धेरै हुन्छ ।’

    डाक्टर तपन घोषले भने, ‘जो मानिस ६ घण्टाभन्दा कम वा ९ घण्टाभन्दा बढी सुत्छन्, उनीहरुमा पनि यस्तो प्रकारको रोग देखिन्छ किनभने उनीहरुको क्लब गडबड हुन्छ र शेड्युलिङ पनि सही हुँदैन । ठूला शहरमा सबैभन्दा ठूलो समस्या भनेको घर ढिला गरी फर्कनु । मानिसहरु साढे ८, ९ बजे अफिसबाट फर्कन्छन्, खाना खान्छन् र त्यसपछि सुतिहाल्छन् । त्यसपछि बिहान छिटो उठेर अफिसका लागि तयार हुन्छन् । यो जीवनशैली सही होइन । यो मृत्युको एउटा निकै ठूलो कारण हो जुन परिवर्तन गर्नुपर्छ । ’

    निद्रा कम, व्यायाम नगर्नु र डाइटमा एन्टिअक्सिडेन्ट नहुनुले पनि मुटुरोगलाई बढाइरहेको हुन्छ । डाक्टरले शहरका मानिसले गाउँका मानिसहरु झैं जीवनयापन गर्नुपर्ने सल्लाह दिन्छन् । यदि तपाईंको जीवनशैली सही छ भने तपाईंको ग्लाइसेमिक डिस्चार्ज पनि कम हुन्छ । यसले ब्लड सुगर नियन्त्रणमा हुन्छ र मधुमेहबाट छुटकारा पाइन्छ ।

    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया