काठमाडौं। समिप आचार्यको शब्द तथा सङ्गीतमा तयार भएको नयाँ गीत ‘भो यो माया’ सार्वजनिक भएको छ। गायक नारायण सुवेदी ‘आभास’को सुमधुर स्वरमा रेकर्ड गरिएको यस गीतले आधुनिकता र परम्पराको स्वाद मिश्रणमार्फत नेपाली प्रेमगीतमा नयाँपन ल्याउने प्रयास गरेको छ।
गीतको एरेञ्ज उदय राज पौडेलले गरेका छन् भने मिक्सिङ तथा मास्टरिङ किशोर थापाले सम्भालेका छन्। म-बीट स्टुडियोमा मोनीश चाम्लिङले रेकर्ड गरेका यस गीतमा सरंगीमा हेमन्त रसाइली र बाँसुरीमा रत्न बीकेको वादनले मौलिकता थपिएको छ।
गीतसँगै सार्वजनिक म्युजिक भिडियोमा किरण तामाङ र ललिता थापाले अभिनय गरेका छन्। कर्णबहादुर खड्काको छायांकन, सुन्दर क्षेत्रीको सम्पादन र मिना बुढाथोकी सावित्रीको निर्देशनमा तयार भिडियोले प्रेम र पीडाको कथा मार्मिक ढंगले प्रस्तुत गरेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया