काठमाडौं । द भ्वाइस किड्स सिजन २ को उपाधि स्पन्दन सुब्बाले जितेका छन् ।
शुक्रबार रातीको ग्राण्ड फिनालेमा टीम प्रमोद खरेलको समूहबाट प्रतिस्पर्धा गरेका उनले उपाधि चुम्न सफल भएका हुन् ।
फिनालेमा सुब्बासहितका ८ जनाले उपाधिका लागि प्रतिस्पर्धा गरेका थिए । विजयी सुब्बालाई हिमालय टेलिभिजन एचडीका अध्यक्ष धर्मराज भुषालले पुरस्कार प्रदान गरे ।
उपाधि जितेका उनले १५ लाख रुपैयाँ नगद पाएका छन् । भ्वाइस किड्समा टीम प्रमोदको यो लगातार दोस्रो जित हो भने यसअघि द भ्वाइस किड्स सिजन १ को उपाधि पनि टीम प्रमोदले नै जितेको थियो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया