काठमाडाैँ । सामाजिक सुरक्षा कोषमा हालसम्म दर्ता भएका ३ लाख ८० हजार श्रमिकबाट २८ अर्ब भन्दा बढी रकम सङ्कलन भएको छ ।
कोषका अनुसार विभिन्न कार्यालय, कम्पनी र फर्ममा कार्यरत कर्मचारी र श्रमिकको नाममा २८ अर्ब ८ करोड रकम जम्मा भएको पाइएको हो ।
कोषको तथ्याङ्क अनुसार गत असार मसान्तसम्म कोषमा १७ हजार १ सय ९२ वटा रोजगारदाता फर्म वा कम्पनीका ३ लाख ४६ हजार ७ सय ४४ जना श्रमिक दर्ता भएका थिए ।
चालु आर्थिक वर्षको गत ५ महिनामा भने ३४ हजार नयाँ श्रमिक दर्ता भएका छन् । हालसम्ममा योगदानकर्ताहरूबाट प्राप्त ४७ हजार ५० वटा दाबीमार्फत ३ अर्ब रकम भुक्तानी भएको कोषका प्रवक्ता विवेक पन्थीले बताएका छन् ।
यस्तै, कोषको सम्पत्ति-दायित्व समीक्षा वर्षमा ४१ दशमलव ४ प्रतिशतले बढेर गएको असार मसान्तमा ५४ अर्ब ७० करोड कायम भएको छ ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया