काठमाडौं । हाल देशभर मौसम बदली भएको छ। पश्चिमी वायु, बंगालको खाडी र अरब सागरबाट आएको जलवाष्पयुक्त हावा तथा स्थानीय वायुको प्रभावले मौसममा खराबी देखिएको जल तथा मौसम पूर्वानुमान महाशाखाले जनाएको छ।
शनिवार कोशी, मधेश, बागमती, गण्डकी र लुम्बिनी प्रदेशसहित देशका पहाडी भू-भागमा आंशिकदेखि सामान्य बदली रहनेछ भने अन्य स्थानमा आंशिक बदलीको अवस्था रहनेछ।
यी प्रदेशका पहाडी क्षेत्रमा थोरै स्थानमा र बाँकी भू-भागका एक-दुई स्थानमा मेघगर्जन तथा चट्याङसहित हल्कादेखि मध्यम वर्षा हुने सम्भावना रहेको छ। उच्च पहाडी तथा हिमाली भू-भागका एक-दुई स्थानमा हल्का वर्षा वा हिमपात पनि हुन सक्ने अनुमान गरिएको छ।
मधेश, कोशी, लुम्बिनी र सुदूरपश्चिम प्रदेशका तराई क्षेत्रका केही स्थानमा हावाहुरी चल्ने सम्भावना रहेको मौसमविद्हरूले बताएका छन्। यस्ता अवस्था रहेका क्षेत्रमा सतर्कता अपनाउन आग्रह गरिएको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया