काठमाडौं । उच्च अदालत तुलसीपुरको बुटवल इजलासले रास्वपा सभापति रवि लामिछानेलाई थुनामा पठाउने आदेश गरेको छ । जिल्ला अदालत रुपन्देहीको आदेश बदर गर्दै उच्च अदालतले थुनामा पठाउने आदेश गरेको हो ।
जिल्ला अदालतले दिएको आदेशविरुद्ध उनीहरूले उच्च अदालत तुलसीपुरको बुटवल इजलासमा पुनरावेदन निवेदन दिएका थिए ।
न्यायाधीशद्वय रमेश ढकाल र स्वीकृति पराजुलीको संयुक्त इजलासले रविलाई जिल्ला अदालत रुपन्देहीको बदर गर्दै थुनामा पठाउने आदेश जारी गरेको हो ।
बुटवलको सुप्रिम सहकारी ठगी र संगठित अपराधको मुद्दामा यसअघि रुपन्देही जिल्ला अदालतले रविलाई १ करोड धरौटीमा छाडेको थियो ।
के रवि तत्काल पक्राउ पर्छन ?
यो आदेशपछि रविले तत्काल आत्मसमर्पण गर्छन् वा उनलाई प्रहरीले तत्काल पक्राउ गर्छ भन्नेबारे कतिपयमा अन्योल देखिएको छ । एक जना सरकारी उपसचिवका अनुसार भने उच्च अदालतको आदेश जिल्ला अदालतमार्फत कार्यान्वयन हुन्छ, र त्यसको प्रक्रिया तीन किसिमले अघि बढ्न सक्छ:
पहिलो आत्मसमर्पण — आदेशपछि आरोपित आफैं अदालतमा उपस्थित भइ आत्मसमर्पण गर्न सक्छन्।
दोस्रो तारेखको क्रममा पक्राउ — अदालतमा नियमित तारेख लिन गएका बेला प्रहरीलाई जानकारी दिई थुनामा पठाउन सकिन्छ।
तेस्रो प्रत्यक्ष पक्राउ — अदालतको आदेशअनुसार प्रहरीले सक्रिय रूपमा आरोपितलाई पक्राउ गर्न सक्छ।
यद्यपि, सामान्यतया अदालत प्रशासन ‘प्रो–एक्टिभ’ नभएर आदेश कार्यान्वयनको पहल प्रहरीमा निर्भर हुने गरेको बताइन्छ। प्रहरी प्रवक्ता डिआइजी दिनेश आचार्यले आदेशको पूर्ण विवरण नआएसम्म केही भन्न नसकिने प्रतिक्रिया दिएका छन्।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया