काठमाडौँ। विराटनगरमा पेट्रोल बोक्ने ट्यांकर र म्याजिक भ्यान दुर्घटना हुँदा एक जनाको मृत्यु भएको छ । पाँच जना घाइते भएका छन् ।
कोशी लोकमार्ग अन्तर्गत विराटनगर महानगरपालिका–४ दूध फारममा प्रदेश १–०४–००१ ज ००१४ नम्बरको म्याजिक भ्यान ना ७ ख १८७६ नम्बरको ट्यांकरसँग ठोक्किएको थियो ।
सोमबार दिउँसो भएको दुर्घटनामा परी म्याजिक चालक सुनसरीको इटहरी उपमहानगरपालिका-१७ का ३० वर्षीय तिलक साहको मृत्यु भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले बताए ।
डीएसपी बस्नेतका अनुसार दुर्घटनामा गम्भीर घाइते साहलाई उपचारका लागि विराटनगरकै गोल्डेन अस्पताल लगिएको थियो । उपचारका क्रममा दिउँसो ४:४५ बजेतिर चिकित्सकले मृत घोषित गरेको प्रहरीले बताएको छ ।
दुर्घटनामा विराटनगर महानगरपालिका-६ का ३६ वर्षीय शंकरप्रसाद शर्मा, ३५ वर्षीय मुन्नाकुमार दास, सुनसरीको दुहवी नगरपालिका-२ की ४० वर्षीया सविना खातुन, मोरङको रंगेली नगरपालिका-८ का २४ वर्षीय अमित सरदार र खोटाङको दिप्रुङ चुइचुम्मा गाउँपालिका-७ का २२ वर्षीय सजिन मगर घाइते भएका छन् । उनीहरु सबै खतारामुक्त छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया