काठमाडौं । इन्डियन प्रिमियर लिग (आईपीएल) २०२४ मा चेन्नई सुपर किंग्सको कप्तानी महेन्द्रसिंह धोनीले नगर्ने भएका छन् ।
आईपीएलका सर्वाधिक सफल कप्तान धोनी यसवर्ष खेलाडीको रुपमा मात्रै खेल्ने भएका छन् । चेन्नईले युवा ओपनर ऋतुराज गायकवाडलाई नयाँ कप्तानमा नियुक्त गरेको छ । धोनीको यो अन्तिम आईपीएल सिजन पनि हो ।
धोनीले २००८ देखि नै चेन्नईको कप्तानी गरेका थिए । उनको कप्तानीमा चेन्नईले १४ संस्करण खेल्दा ५ पटक उपाधि, ५ पटक फाइनलमा पराजित र १२ पटक प्लेअफ खेलेको थियो ।
चेन्नई सन् २०२० र २०२२ मा मात्रै पहिलो चरणबाट बाहिरिएको थियो । धोनीको कप्तानीमा चेन्नईले २०१०, २०११, २०१८, २०२१ र २०२३ मा उपाधि जितेको थियो ।
धोनीले २०२२ मा पनि कप्तानी छाड्दै रवीन्द्र जडेजालाई दिएका थिए । तर जडेजाको कप्तानीमा कमजोर प्रदर्शनपछि धोनी पुनः कप्तानमा फर्किएका थिए ।
प्रतिक्रिया