पाँचथर। फाल्गुनन्द गाउँपालिकाले धेरै धान उत्पादन गर्ने २९ जना किसानलाई नगदसहित सम्मान गरेको छ ।
५० देखि एक सय मुरी धान उत्पादन गर्ने २७ जना र एक सय मुरीभन्दा धेरै धान उत्पादन गर्ने दुई गरी २९ जना किसानलाई पुरस्कृत गरेको गाउँपालिकाका प्रमुख प्रशासकीय अधिकृत निर्मल तुम्रोकले जानकारी दिएका छन् ।
५० मुरीभन्दा माथि धान उत्पादन गर्नेलाई ३० हजार रुपैयाँका दरले र सय मुरीभन्दा धेरै उत्पादन गर्नेलाई ५० हजार रुपैयाँका दरले सम्मान गरिएकाे हाे ।
किसानलाई पञ्चेबाजा, ढोल, झाँकीसहित भव्य र्यालीका साथ सम्मानपत्र र दोसल्ला ओढाएर सम्मान गरिएको थियाे । धेरै धान फलाउने किसानहरू १ र ५ नम्बर वडाबाट ९-९ जना, ६ र ७ नम्बर वडाका २-२ जना, २ नम्बरका र ४ नम्बरका ४-४ जना गरी २९ जनाले एक हजार सात सय ५६ मुरी धान फलाएका पालिकाले तथ्याङ्क सार्वजनिक गरेको छ ।
आउँदा दिनमा अन्य कृषि उपज वस्तु फलाउनेलाई पनि पुरस्कृत गर्दै कृषि प्रणालीको माध्यमबाट समृद्ध पालिका निर्माणमा जोड दिने गाउँपालिकाका अध्यक्ष बृजहाङ आङ्देम्बेले बताए ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया