काठमाडौं । आईसीसी यू-१९ विश्वकप क्रिकेट अन्तर्गत पहिलो खेलमा न्युजिल्यान्डविरुद्ध नेपालका स्पिनर सुवास भण्डारीले टोलीलाई पहिलो सफलता दिलाएका छन् ।
सुवासले ११ औं ओभरको पहिलो बलमा ओपनर ल्यूक वाटसनलाई १४ रनमा बोल्ड आउट गरे । ल्यूकले २५ बलमा २ चौका हाने । टस हारेर पहिला ब्याटिङ रोजेको न्युजिल्यान्डले १०.१ ओभरमा १ विकेट गुमाउँदै ५३ रन बनाएको छ ।
न्युजिल्यान्डका ओपनर टम जोन्स ३६ बलमा ५ चौकासहित ३० रनमा क्रिजमा छन् । नेपालले सुरुवाती दश ओभरमा चार बलर प्रयोग गरेको छ ।
स्पिनर दीपेश कँडेलले १ ओभरमा १० रन खर्चेका छन् भने तीव्र गतिका बलर आकाश चन्दले ३ ओभरमा १७ रन खर्चिएका छन् । नेपालका प्रमुख बलर गुलशन झाले पनि ५ ओभरमा १९ रन खर्चिएका छन् ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया