काठमाडौँ। मकवानपुर केन्द्रबिन्दु भएर भुकम्प गएको छ ।
आज बिहान १:१९ बजे मकवानपुरको चित्लाङ आसपास केन्द्रबिन्दु बनाएर ४.५ म्याग्निच्युडको भुकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ ।
भुकम्पको धक्का मकवानपुर, धादिङ र काठमाडौंमा महशुस गरिएको केन्द्रले जनाएको छ । मध्यरातमा भूकम्प जाँदा मकवानपुरमा मानिसहरू घरबाहिर निस्किएका थिए । थाहा नगरपालिकाका मेयर विष्णु बहादुर विष्टले भौतिक क्षति भएको खबर नआएको बताए ।
‘भूकम्प आएपछि मध्यरातमा मानिसहरू घरबाहिर निस्किएका थिए, भौतिक क्षति भएको खबर अहिलेसम्म आएको छैन । हामी बुझ्दैछौं,’ उनले भने ।
प्रतिक्रिया