काठमाण्डाै । सुदूरपश्चिम प्रदेश सरकारले आर्थिक वर्ष २०८०/८१ का लागि २९ अर्ब २६ करोड ५९ लाख रुपैयाँकाे बजेट सार्वजनिक गरेको छ ।
प्रदेशका आर्थिक मामिलामन्त्री नरेशकुमार शाहीले शुक्रवार प्रदेश सभामा आउँदाे आर्थिक वर्षको बजेट सार्वजनिक गरेका हुन् ।
सरकारले चालुतर्फ ९ अर्ब ५९ करोड ६० लाख (३२.७९ प्रतिशत), पुँजीगततर्फ १७ अर्ब २ करोड २३ लाख (५८.१६ प्रतिशत) बजेट विनियोजन गरेको छ ।
यस्तै अन्तरसरकारी वित्त हस्तान्तरणतर्फ २ अर्ब ३४ करोड ७५ लाख (८.०२ प्रतिशत) र वित्तीय व्यवस्थातर्फ ३० करोड (१.०३ प्रतिशत) बजेट विनियोजन गरेको छ ।
यस्तै सरकारले बजेटमा प्रदेशको ३२ वटै निर्वाचन क्षेत्रका लागि ३ कराेडका दरले ९६ करोड रुपैयाँ बजेट विनियोजन गरेकाे हो ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया