• आज :

ताजा अपडेट

ट्रेन्डिङ शिर्षक

  • News Portal

    • आज :

    खेलकुद

    एनपीएल : जनकपुर बोल्ट्सलाई ६ विकेटले हराउँदै सुदूरपश्चिम रोयल्स प्लेअफमा

    485
    SHARES



    काठमाडौँ । सुदूरपश्चिम रोयल्स दोस्रो संस्करणको नेपाल प्रिमियर लिग (एनपीएल) टी–ट्वान्टी क्रिकेटमा प्लेअफमा प्रवेश गरेको छ । शनिबार भएको खेलमा जनकपुर बोल्ट्सलाई ६ विकेटले हराउँदै दोस्रो सिजनमा प्लेअफमा पुग्ने पहिलो टोली बनेको हो ।

    त्रिवि क्रिकेट मैदानमा जनकपुरले दिएको १४६ रनको लक्ष्य पछ्याएको सुदूरपश्चिमले १७ ओभर ४ बलमा चार विकेट गुमाउँदै लक्ष्य पूरा गर्‍यो ।सुदूरपश्चिमका लागि इशान पाण्डेले ५६ रनको अर्धशतकीय पारी खेले । ३५ बाल खेलेका उनले ८ चौका र १ छक्का प्रहार गरेका हुन् ।

    त्यस्तै विनोद भण्डारीले ४० रन बनाउँदा दीपेन्द्र सिंह ऐरी १० रन तथा हर्मीत सिंहले २५ रन बनाए । जनकपुरका लागि माज शदागदले दुई विकेट लिँदा सञ्जय कृष्णमुर्ती र आदित्य महताले एक एक विकेट लिए ।

    यसअघि टस जितेर पहिले ब्याटिङ गरेको जनकपुरले निर्धारित २० ओभरमा ८ विकेट गुमाउँदै १४५ रन बनाएको थियो । जनकपुरका लागि सन्जयले ५० रनको अर्धशतकीय पारी खेले । ३८ बल खेलेका उनले ४ चौका र २ छक्का प्रहार गरे ।

    त्यस्तै ३३ बल खेलेका जान निकोल स्टोनले २ चौका र २ छक्काको सहयोगमा ३९ रन बनाए । सुदूरपश्चिमका लागि आदित्य मेहताले १५ रन बनाए ।

    बलिङतर्फ सुदूरपश्चिमका अविनाश बोहराले सर्वाधिक चार विकेट लिए । त्यस्तै लागि स्कट गुग्गलेइनले तीन विकेट लिँदा कप्तान दीपेन्द्र सिंह ऐरीले एक विकेट लिए ।

    आजको खेलमा जित निकाल्दै सुदूरपश्चिम प्लेअफमा पुग्ने पहिलो टोली बनेको छ । यता जनकपुर भने प्रतियोगिताबाट बाहिरिने खतरा बढेको छ ।

      
    सञ्चारकेन्द्र
    [email protected]

    नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।

    सञ्चारकेन्द्रबाट थप +
    प्रतिक्रिया

    आजको ट्रेन्डिङ