काठमाडौं । आईसीसी विश्व क्रिकेट लिग–२ अन्तर्गत यूएईमा जारी एकदिवसीय (ओडिआई) शृंखलाको अन्तिम खेलमा नेपालले यूएईविरुद्ध पहिले ब्याटिङ गरिरहेको छ। दुबईस्थित आईसीसी एकेडेमी मैदानमा जारी खेलमा यूएईका कप्तान अलिशान सराफुले टस जितेर पहिले बलिङ गर्ने निर्णय गरेका हुन्।
नेपालले आजको खेलका लागि टोलीमा एक परिवर्तन गरेको छ — गुलशन झा बाहिरिएका छन् र उनको स्थानमा कुशल मल्लले पुनः अवसर पाएका छन्। नेपालले यसअघि शृंखलाका तीनै खेलमा पराजय बेहोरेको छ। पहिलो खेलमा नेपाल अमेरिकासँग १०६ रनले, दोस्रो खेलमा यूएईसँग ५ विकेटले र तेस्रो खेलमा फेरि अमेरिकासँग ४ विकेटले पराजित भएको थियो।
लगातार हारपछि नेपाल आजको खेल जित्दै शृंखला सम्मानपूर्वक समाप्त गर्ने लक्ष्यमा छ। लिग–२ को अंकतालिकामा अमेरिका २४ खेलबाट ३६ अंकसहित शीर्ष स्थानमा छ। नेपालले १९ खेलबाट १२ अंकसहित सातौं स्थान ओगटेको छ भने यूएई ८ अंकसहित पुछारमा रहेको छ।
नेपालका उत्कृष्ठ १० अनलाइन पत्रिकाहरु भित्र पर्ने सञ्चारकेन्द्र डटकम २०७० जेठ १५ गतेदेखि सञ्चालनमा छ । यो अनलाइन मिडिया ‘सम्पूर्ण विचार, समाचार र सूचनाहरुको केन्द्र’का रुपमा स्थापित हुँदै गइरहेको छ ।
प्रतिक्रिया